Home > ເຂື່ອນ > ໄຟ­ຟ້າ​ນ້ຳ​ງື່ມ 5 ມອບເຂົ້າ­ສານ​ໃຫ້​ປະ­ຊາ­ຊົນບ້ານ​ຈິມ ທີ່​ຖືກ​ຜົນ​ກະ­ທົບຈາກ​ການ​ກໍ່­ສ້າງ​ເຂື່ອນ

ໄຟ­ຟ້າ​ນ້ຳ​ງື່ມ 5 ມອບເຂົ້າ­ສານ​ໃຫ້​ປະ­ຊາ­ຊົນບ້ານ​ຈິມ ທີ່​ຖືກ​ຜົນ​ກະ­ທົບຈາກ​ການ​ກໍ່­ສ້າງ​ເຂື່ອນ

ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້ານ້ຳ​ງື່ມ 5 ໄດ້​ເປີດ​ການ​ກໍ່­ສ້າງ​ຢ່າງເປັນ​ທາງ​ການ ໃນ​ວັນ​ທີ 28 ເມສາ 2008 ແລະ ສຳ­ເລັດ​ໃນ​ວັນທີ 30 ພະ­ຈິກ 2012 ຊຶ່ງ​ໄດ້​ເປີດທຳ​ການ​ຄ້າ ໃນ​ວັນ​ທີ 2 ທັນ­ວາ 2013 ເປັນ­ຕົ້ນ​ມາ ໂຄງ­ການ​ກໍ່ສ້າງ​ເຂື່ອນ​ໄຟ­ຟ້າ​ນ້ຳ​ງື່ມ 5 ເປັນໂຄງ­ການ​ຮ່ວມ​ທຶນລະ­ຫວ່າງ​ບໍ​ລິສັດ ຊີ​ໂນ​ໄຮ​ໂດຼ ຫຸ້ນ​ສ່ວນ ຈຳ­ກັດ ແລະ ລັດ​ວິ​ສາ​ຫະ​ກິດ​ໄຟ­ຟ້າ​ລາວ ມີ​ກຳ­ລັງ​ຕິດ​ຕັ້ງ 120 ເມ​ກາ​ວັດ ໂຄງ­ການ​ດັ່ງ­ກ່າວ​ຕັ້ງ​ຢູ່​ເຂດ​ຫ່າງໄກ​ສອກ­ຫຼີກ ແລະ ທຸ­ລະ­ກັນ­ດານ ໂດຍ​ເຂດ​ກໍ່­ສ້າງ​ໂຄງ­ການ ໄດ້ກວມ​ເອົາ​ສ່ວນ​ໜຶ່ງ​ຂອງ​ເມືອງ​ພູຄູນ ແຂວງ​ຫຼວງ​ພະ​ບາງ ແລະ ສ່ວນ​ໜຶ່ງຂອງ​ເມືອງ​ພູ​ກູດ ແຂວງຊຽງ​ຂວາງ ຍ້ອນ​ເຂດ​ກໍ່­ສ້າງ​ໂຄງການ​ເປັນ​ພູ­ເຂົາ​ທີ່​ສູງ​ຊັນ ດັ່ງ­ນັ້ນ ຈຶ່ງເຮັດ​ໃຫ້​ເຂດ​ດັ່ງ­ກ່າວບໍ່​ເໝາະສົມ​ໃນ​ການ​ຕັ້ງ​ຖິ່ນ​ຖານ ແລະ ບໍ່ມີ​ປະ­ຊາ­ຊົນ​ອາ​ໃສ​ຢູ່​ຫຼາຍ​ປານ­ໃດ ຊຶ່ງ​ມີ​ພຽງ​ບ້ານ​ຈິມ ພຽງ​ບ້ານດຽວ ທີ່​ຕັ້ງ​ຖິ່ນ​ຖານ​ຢູ່​ໃກ້​ກັບ​ເຂດອ່າງ­ເກັບ­ນ້ຳ ດັ່ງ­ນັ້ນ ຈຶ່ງ​ເຮັດໃຫ້​ທີ່ດິນ​ປູກ­ຝັງ​ຂອງ​ປະ­ຊາ­ຊົນ​ບ້ານຈິມ ຖືກ​ນ້ຳ​ຖ້ວມ ໃນ​ເວ­ລາ​ເກັບກັກ​ນ້ຳຢູ່​ລະ­ດັບ​ສູງ​ສຸດ ຈຳ­ນວນ 26 ເຮັກ­ຕາ ເພື່ອ​ເປັນ​ການ​ສະໜອງ​ເຂົ້າ​ກິນ​ໃຫ້​ແກ່​ປະ­ຊາ­ຊົນບ້ານ​ຈິມ ຜູ້​ທີ່​ໄດ້​ຖືກ​ກະ­ທົບຈາກການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ງື່ມ 5 ດັ່ງ­ນັ້ນ ໃນ​ວັນ​ທີ 24 ມິ­ຖຸ­ນາ 2013 ທີ່​ຜ່ານ​ມາ ບໍ­ລິ­ສັດໄຟ­ຟ້ານ້ຳ​ງື່ມ 5 ຈຳ­ກັດ ໄດ້​ນຳ​ເອົາ​ເຂົ້າສານ ຈຳ­ນວນ 27 ໂຕນ ເພື່ອມອບ​ໃຫ້​ແກ່​ປະ­ຊາ­ຊົນບ້ານ​ຈິມ ຈຳ­ນວນ 36 ຄອບ­ຄົວ ພິ­ທີ​ມອບ-ຮັບ​ດັ່ງ­ກ່າວ​ໄດ້​ຈັດ​ຂຶ້ນ​ທີ່​ຫ້ອງວ່າ​ການ­ເມືອງ​ພູ​ຄູນ ແຂວງ​ຫຼວງພະ​ບາງ ຊຶ່ງ​ກ່າວ​ມອບ​ໂດຍ​ທ່ານ ຊົງ ຮຸຍ ຮົງ ຜູ້­ອຳ­ນວຍ­ການ​ບໍ​ລິສັດ​ໄຟ­ຟ້າ​ນ້ຳ​ງື່ມ 5 ຈຳ­ກັດ ແລະ ທ່ານ ສົມ​ໝາຍ ທໍ່ ນາຍ­ບ້ານ​ຈິມ ເປັນ​ຜູ້​ກ່າວ​ຮັບ ໂດຍ​ມີ​ທ່ານ ວຽງທອງ ຫັດສະ​ຈັນ ເລ­ຂາ​ພັກ​ເມືອງ ເຈົ້າ­ເມືອງ​ພູ​ຄູນ ພ້ອມ​ດ້ວຍ​ພະນັກ​ງານ​ຂັ້ນ​ນຳ​ຂອງ​ເມືອງ​ພູ​ຄູນ ແລະ ປະ­ຊາ­ຊົນ​ບ້ານ​ຈິມຈຳນວນ​ໜຶ່ງ ກໍ​ໄດ້​ເປັນ​ກຽດ​ເຂົ້າ​ຮ່ວມເປັນ​ສັກ­ຂີ​ພະ­ຍານ​ໃນພິທີ​ຄັ້ງ​ນີ້.

ທີ່ມາ: http://www.vientianemai.net/teen/khao/1/9667

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: