Home > ໄຟຟ້າສູ່ຊົນນະບົດ > ​ເຊກອງ​ມີ​ຄອບຄົວ​ຊົມ​ໃຊ້​ກະ​ແສ​ໄຟຟ້າ​ແລ້ວ​ກວ່າ 60%

​ເຊກອງ​ມີ​ຄອບຄົວ​ຊົມ​ໃຊ້​ກະ​ແສ​ໄຟຟ້າ​ແລ້ວ​ກວ່າ 60%

6 ເດືອນຕົ້ນປີສົກ (2012-2013) ຄະນະພັກ-ອຳນາດການປົກຄອງແຂວງ ແລະ ພະແນກພະລັງງານ-ບໍ່ແຮ່ແຂວງເຊກອງໄດ້ສຸມທຶນຮອນ, ທ່າແຮງທີ່ມີ ແລະຄວາມຮູ້ຄວາມສາມາດເຂົ້າໃນການກໍ່ສ້າງ ແລະ ຂະຫຍາຍຕາຂ່າຍໄຟຟ້າຢູ່ຕົວເມືອງ ແລະ ໄປສູ່ຊົນນະບົດ ເຮັດໃຫ້ອັດຕາການຊົມໃຊ້ໄຟຟ້າຂອງ
ປະຊາຊົນເພີ່ມຂຶ້ນ, ປະຈຸບັນມີບ້ານທີ່ຊົມໃຊ້ກະແສໄຟຟ້າແລ້ວ 139 ບ້ານ 16.509 ຄອບຄົວ, ກວມເອົາ 60,44% ຂອງຈຳນວນຄອບຄົວທັງຫມົດ. ຕາມຂໍ້
ມູນ, ພະແນກພະລັງງານ ແລະ ບໍ່ແຮ່ແຂວງເຊກອງລາຍງານໃຫ້ຮູ້ວ່າ: ເພື່ອຕອບສະຫນອງ ໃຫ້ແກ່ການພັດທະນາເສດຖະກິດ – ສັງຄົມ ແລະ ການຜະລິດ
ກະສິກຳເປັນສິນຄ້າຂອງປະຊາຊົນ, ໃນໄລຍະ 6 ເດືອນທ້າຍປີນີ້, ພະແນກພະລັງງານ ແລະ ບໍ່ແຮ່ແຂວງເຊກອງຈະໄດ້ສືບຕໍ່ຊຸກຍູ້ບັນດາບໍລິສັດຜູ້ຮັບເຫມົາ
ກໍ່ສ້າງ ຕາຂ່າຍໄຟຟ້າ 22 ກິໂລໂວນ, 0,4 ກິໂລໂວນ, ຕິດຕັ້ງຫມໍ້ແປງເອົາໄຟເຂົ້າ 4 ບ້ານຄື: ບ້ານດາກເຣິນ, ດາກປຳ, ດາກຈຶງ ແລະ ບ້ານຕົງຊຽງເມືອງ
ດາກຈຶງໃຫ້ສຳເລັດ 100%; ກໍ່ສ້າງຕາຂ່າຍໄຟຟ້າ 12,7 ກິໂລໂວນ, 0,23 ກິໂລໂວນ, ຕິດຕັ້ງຫມໍ້ແປງ ເອົາໄຟເຂົ້າຄ້າຍທະຫານຊາຍແດນ (ສສ ຫວຽດນາມ)
ແລະ ບ້ານກະໂລເມືອງກະລຶມ ໃຫ້ສຳເລັດ 80% ແລະ ໂຄງການກໍ່ສ້າງເຂື່ອນໄຟຟ້າຫ້ວຍລຳພັນໃຫຍ່ ໃຫ້ສຳເລັດ 60%. ນອກນັ້ນ, ແຂວງກໍ່ຍັງຈະສຸມໃສ່ກໍ່
ສ້າງພື້ນຖານໂຄງລ່າງກ່ຽວກັບໄຟຟ້າ ແລະ ຂະຫຍາຍແຫລ່ງພະລັງງານໄຟຟ້ານ້ຳຕົກຕ່າງໆ; ກໍ່ສ້າງລະບົບສາຍສົ່ງໄຟຟ້າແຮງສູງ, ແຮງກາງ ແລະ ຂະຫຍາຍ
ຕາຂ່າຍໄຟຟ້າໄປສູ່ຊົນນະບົດ; ສ້າງເງື່ອນໄຂ ແລະ ເອື້ອອຳນວຍຄວາມສະດວກຕ່າງໆໃຫ້ບໍລິສັດ, ລັດວິສາຫະກິດທີ່ໄດ້ເຊັນສັນຍາກໍ່ສ້າງ, ສຶກສາຄວາມເປັນ
ໄປໄດ້ເພື່ອກໍ່ສ້າງເຂື່ອນໄຟຟ້ານ້ຳຕົກຂະຫນາດໃຫຍ່, ກາງແລະຂະຫນາດນ້ອຍເພື່ອສະຫນອງກະແສໄຟຟ້າໃຫ້ປະຊາຊົນໄດ້ຊົມໃຊ້ກວມເອົາ 95% ໃນປີ 2015.
(ໂດຍ: ສັນຍາ ແກ້ວໄຊຍະວົງ)

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: