Home > ເຂື່ອນ > ວາງສີ​ລາ​ລືກ​ໂຄງການ​ກໍ່ສ້າງ​ເຂື່ອນ​ໄຟຟ້າ​​ໄຊ​ຍະ​ບູລີ

ວາງສີ​ລາ​ລືກ​ໂຄງການ​ກໍ່ສ້າງ​ເຂື່ອນ​ໄຟຟ້າ​​ໄຊ​ຍະ​ບູລີ

ພິທີວາງສີລາລືກໂຄງການກໍ່ສ້າງເຂື່ອນໄຟຟ້າໄຊຍະບູລີ ໄດ້ຈັດຂຶ້ນຢ່າງເປັນທາງການເມື່ອວັນທີ 7 ພະຈິກ 2012 ຢູ່ສະຖານທີ່ກໍ່ສ້າງໂຄງການດັ່ງກ່າວ
ໂດຍການເຂົ້າຮ່ວມຂອງທ່ານ ສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດ, ພ້ອມດ້ວຍບັນດາລັດຖະມົນຕີວ່າການ, ລັດຖະມົນຕີຊ່ວຍວ່າການ, ເຈົ້າແຂວງ ໄຊຍະບູລີ ແລະ ເຈົ້າແຂວງຫລວງພະບາງ ພ້ອມດ້ວຍອຳນາດການປົກຄອງທ້ອງຖິ່ນຂອງສອງແຂວງ ແລະ ສື່ມວນຊົນທັງພາຍໃນ ແລະ ຕ່າງປະເທດເຂົ້າຮ່ວມຫລາຍຮ້ອຍຄົນ.
ເຂົ້າຮ່ວມໃນພິທີດັ່ງກ່າວຍັງມີທ່ານ ດຣ. ຕະມິງເຈົາ ເອກອັກຄະລັດຖະທູດຫວຽດນາມ ແລະ ທ່ານ Yi Dan ເອກອັກຄະລາຊະທູດກຳປູເຈຍປະຈຳ ສປປລາວ. ພິທີທາງການໄດ້ດຳເນີນຂຶ້ນໂດຍທ່ານ ສົມສະຫວາດ ເລັ່ງສະຫວັດແລະທ່ານ ປຣີວ ຕຣີວໍສະວະເວດ, ປະທານບໍລິສັດເຂື່ອນໄຟຟ້າໄຊຍະບູລີ ໄດ້ຮ່ວມກັນຕັດແຖບຜ້າ, ຈາກນັ້ນທ່ານທັງສອງໄດ້ພ້ອມກັບການນຳຂັ້ນສູງ ທີ່ເຂົ້າຮ່ວມດຳເນີນການວາງສີວາລືກ, ຫລັງຈາກນັ້ນ, ທ່ານ ສົມສະຫວາດ ເລັ່ງສະຫວັດໄດ້ລັ່ນຄ້ອງ 9 ບາດ ເພື່ອເປັນສີລິມຸງຄຸນທ່າມກາງຄວາມຍິນດີ ແລະ ຊົມເຊີຍຈາກທຸກພາກສ່ວນທີ່ເຂົ້າຮ່ວມ. ໃນໂອກາດນີ້ ທ່ານ ສຸລິວົງ ດາລາວົງ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ໄດ້ໃຫ້ສຳພາດວ່າໂຄງການນີ້ແມ່ນນອນໃນແຜນພັດທະນາໄຟຟ້ານ້ຳຕົກຂອງ ສປປ ລາວ, ຖືວ່າເປັນໂຄງການຂະໜາດໃຫຍ່, ມີສະຖຽນລະພາບສູງທັງຈະໄດ້ລາຍຮັບເຂົ້າສູ່ປະເທດຕະຫລອດໄລຍະສຳປະທານຫລາຍກ່ວາ 3 ຕື້ໂດລາສະຫະລັດ ເພື່ອປະກອບສ່ວນເຂົ້າໃນງົບປະມານຂອງລັດ. ນອກນັ້ນໂຄງການນີ້ຍັງຊ່ວຍຈັດສັນປະຊາຊົນ ທີ່ຢູ່ອ້ອມຂ້າງໃຫ້ໄດ້ມີເຮືອນຢູ່ທີ່ຖາວອນ ມີບ່ອນທຳມາຫາກິນທີ່ສະດວກສະບາຍ , ປະກອບສ່ວນເຂົ້າໃນການພັດທະນາທ້ອງຖິ່ນ ແລະ ແກ້ໄຂຄວາມທຸກຍາກຂອງປະຊາຊົນ ໃນບໍລິເວນດັ່ງກ່າວໃຫ້ດີຂຶ້ນກ່ວາເກົ່າ, ຄຽງຄູ່ກັນນັ້ນ, ໂຄງການຍັງໄດ້ເອົາໃຈໃສ່ຈັດເສັ້ນທາງເດີນຂອງເຮືອ, ທາງຂຶ້ນ-ລົງຂອງປາ, ຈັດສັນເລື່ອງນ້ຳ ເຊິ່ງກິດຈະການໃຫຍ່ຄືແນວນີ້ ພວກເຮົາກໍ່ໄດ້ມີບົດຮຽນມາແລ້ວທີ່ໂຄງການນ້ຳເທີນ 2 ແລະ ພວກເຮົາກໍ່ຈະສືບຕໍ່ເຮັດຄ້າຍຄືແນວນັ້ນ.  ທ່ານ ວິຣະພົນ ວິຣະວົງ ລັດຖະມົນຕີຊ່ວຍວ່າການ ກະຊວງພະລັງງານ ແລະ ບໍ່ແຮ່ໄດ້ໃຫ້ສຳພາດຕື່ມອີກວ່າ: ໂຄງການເຂື່ອນໄຟຟ້າໄຊຍະບູລີ ໄດ້ມີການປັບປຸງການອອກແບບຫລາຍຫລົບຫລາຍຕ່າວ ເພື່ອໃຫ້ຖືກຕ້ອງຕາມສັນຍາແມ່ນ້ຳຂອງ 1995 ແລະ ຕາມການແນະນຳຂອງບໍລິສັດທີ່ປຶກສາ ເອກະລາດ ພອຍຣີ (Poyry) ແລະ ບໍລິສັດທີ່ປຶກສາແມ່ນ້ຳໂຣນ ຈາກປະເທດຝຣັ່ງ (CNR) ຢ່າງຖືກຕ້ອງ​ ແນ​ໃສ່​ເຮັດ​ໃຫ້ການ​ສ້າງ​ໂຄງການ​ນີ້​​ ໄດ້​ລະດັບມາດຕະຖານ​ສາກົນ, ​ເປັນ​ເຂື່ອນທີ່​ໂປ່​ງ​ໃສ, ​ເຊິ່ງຫມາຍ​​ເຖິງ​ເຂື່ອນ​ສາມາດ​ເດີນເຮື​ອໄດ້​ຢ່າງ​ເປັນ​ປົກກະ​ຕິ, ມີທາງ​ຂຶ້ນ-ລົງ​ຂອງ​ປາ​ຜ່ານ​​ເຂື່ອນ​ໄດ້ປົກກະຕິ, ການລະບາຍ​ດິນ-ຫີນຜ່ານ​ເຂື່ອນ​ໄດ້ປົກກະຕິ ​ແລະ ການ​​ໄຫລ​ຂອງນ້ຳ​ກໍ່​ເປັນ​ຄື​ທຳ​ມະ​ຊາດ​ເດີມ. ກ່ອນ​ພິທີ​ທາງ​ການຈະ​ດຳ​ເນີນ,  ອຳນາດ​ການ​ປົກຄອງທ້ອງ​ຖິ່ນ​ ໄດ້​ຈັດ​ພິທີ​ທາງ​ສາສະຫນາ​ຕາມ​ຮີດຄອງ​ປະ​ເພນີອັນດີງາມ​ຂອງ​ປະຊາຊົນ​ລາວ. ຫາກ​ສ້າງ​ສຳ​ເລັດ​ໂຄງການນີ້ ຈະ​ມີ​ເຄື່ອງ​ທີ່​ຜະລິດ​ກະ​ແສໄຟຟ້າ 8 ຫນ່ວຍ ລວມກຳລັງຕິດຕັ້ງ 1.285 ​ເມ​ກາ​ວັດ ​ໂດຍສະ​ເລັ່ຍສາມາດ​ຜະລິດ​ພະລັງງານ​ໄຟ​ຟ້າ​ໄດ້ 7.406 ກິ​ກກາວັດ​ໂມງ​ຕໍ່​ປີ (7.406 GWh/ປີ) ມູນ​ຄ່າ​ການ​ກໍ່ສ້າງ​ທັງ​ຫມົດ​ປະມານ 3,5 ຕື້​ໂດ​ລາ​ສະຫະລັດ ​ແລະ ຄາດ​ວ່າການ​ກໍ່ສ້າງ​ຈະສຳ​ເລັ​ດ​ໃນ​ປີ 2019. ເນື່ອງ​ຈາກ​ວ່າ​ໂຄງການ​ນີ້ແມ່ນ​ຈະ​ມີ​ການ​ສ້າງ​ເຂື່ອນ​ຕັນລຳ​ແມ່ນ້ຳຂອງ​ເຊິ່ງ​ເປັນ​ແມ່ນ້ຳ​ສາກົນ, ດັ່ງນັ້ນເລີ່​ມ​ແຕ່​ຫົວທີ​ລັດຖະບານຈຶ່ງ​ໄດ້​ມີ​ການປະສານ​ສົມທົບ​ກັບ​ຜູ້​ພັດທະນາ​ໂຄງການ ​
ເພື່ອ​ສຶກສາ​ຄົ້ນຄວ້າ​ກ່ຽວກັບ​ຜົນ​ກະທົບ​ຕໍ່​ສິ່ງ​ແວດ​ລ້ອມ , ທັງ​ເອົາ​ໃຈ​ໃສ່​ປະຕິ​ບັດ​ຂັ້ນຕອນ​ຕ່າງໆ ​ຕາມ​ເງື່ອນ​ໄຂ​ສັນຍາ​ແມ່ນ້ຳ​ຂອງ 1995 ຢ່າງ​ຄົບ​ຖ້ວນ, ພ້ອມ​ກັນ
ນັ້ນກໍ​ໄດ້​ວ່າ​ຈ້າງ​ບໍລິ​ສັດ​ທີ່​ປຶກສາ​​ເອກະລາດ​ ທີ່​ມີ​ຊື່ສຽງລະດັບ​ໂລກ​ເຖິງ 2 ບໍລິສັດ​ ເພື່ອດຳ​ເນີນການ​ສຶກສາ​ທົບ​ທວນການ​ອອກ​ແບບ​ເບື້ອງຕົ້ນ ​ແລະ ​ໃຫ້​ຄຳ​ເຫັນ​
ທາງ​ດ້ານ​ເຕັກນິກຕໍ່​ລັດຖະບານ. ມາ​ຮອດ​ນີ້  ພວກ​ເຮົາ​ໄດ້​ຮັບ​ການ​ຢືນຢັນຢ່າງ​ຫນັກ​ແຫນ້ນ​ວ່າ​ ໂຄງການໄດ້​ຜ່ານ​ການ​ປະຕິບັດ​ຂັ້ນຕອນ​ຕ່າງໆ​ຢ່າງ​ຖືກຕ້ອງ ​ແລະ
ຄົບ​ຖ້ວນ, ການ​ອອກ​ແບບ​ໄດ້​ມີ​ກາ​ນປັບປຸງ​ເປັນ​ຢ່າງ​ດີ.  ສາມາດ​ສ້າງ​ໃຫ້​ເຂື່ອນ​ດັ່ງກ່າວ​ນີ້​​ເປັນ​ເຂື່ອນ​ທີ່​ໂປ່​ງ​ໃສ , ບໍ່​ມີ​ຜົນກະທົບ​ທາງ​ລົບ​ຕໍ່ລະບົບ​ນິ​ເວດຂອງ​ແມ່ນ້ຳ
ຂອງ ​ເຊິ່ງ​ໄດ້​ຜ່ານການ​ທົດ​ສອບ​ແບບ​ຈຳລອງຂອງ​ເຂອນຢ່າງ​ມີ​ຜົນສຳ​ເລັດມາ​ແລ້ວ;​ ຍ້ອນ​ແນວ​ນັ້ນບັນດາ​ປະ​ເທດ​ເພື່ອນ​ມິ​ດ ຈຶ່ງ​ບໍ່​ຂັດຂ້ອງ​ນຳ​ການ​ກໍ່ສ້າງ​ໂຄງການດັ່ງກ່າວ, ​ໃນ​ທີ່​ສຸດລັດຖະບານ​ເຮົາຈຶ່ງ​ມີ​ຄວາມ​ຫມັ້ນ​ໃຈ ​ແລະ ຕັດສິນ​ໃຈ​ພັດທະນາ​ໂຄງການນີ້.

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: