Home > ເຂື່ອນ > ສຶກສາຄວາມເປັນໄປໄດ້ ກໍ່ສ້າງເຂື່ອນນ້ຳຟ້າແຂວງຫຼວງນ້ຳທາ

ສຶກສາຄວາມເປັນໄປໄດ້ ກໍ່ສ້າງເຂື່ອນນ້ຳຟ້າແຂວງຫຼວງນ້ຳທາ

ແຫຼ່ງຂ່າວຈາກແຂວງຫຼວງນ້ຳທາ ລາຍງານຂ່າວຈາກເມືອງລອງແຂວງຫຼວງນ້ຳທາ ໃນວັນທີ 20ພຶດ­ສະ­ພານີ້ວ່າ: ທ່ານ ບຸນລີວັນ ເຈົ້າ­ເມືອງລອງ ທ່ານ ແສງເພັດ ແກ້ວສິງທອງ ເຈົ້າ­ເມືອງເມິງ ແຂວງບໍ່ແກ້ວ ຜູ້­ຕາງ­ໜ້າເມືອງວຽງພູຄາ ວິ­ຊາການກະ­ຊວງພະ­ລັງ­ງານ-ບໍ່ແຮ່ ລັດວິສາຫະກິດໄຟ­ຟ້າລາວ ແລະ ບັນ­ດາກຸ່ມບໍ­ລິ­ສັດ ໄດ້ຮ່ວມປຶກ­ສາຫາ­ລືການສຳຫຼວດໂຄງ­ການກໍ່­ສ້າງເຂື່ອນນ້ຳຟ້າ ເມືອງລອງ ໂດຍໄດ້ເປັນເອ­ກະພາບກັນຕໍ່ການສະ­ເໜີພາບລວມ ຂໍ້ມູນເຕັກ­ນິກ ບົດລາຍງານການຕີລາ­ຄາຜົນກະ­ທົບຕໍ່ສິ່ງ­ແວ­ດລ້ອມ ແລະ ສັງ­ຄົມ ແຜນ­ການສຳຫຼວດໂຄງ­ການກໍ່­ສ້າງເບື້ອງຕົ້ນ ການທະ­ລຸເສັ້ນ­ທາງຫາໂຄງ­ການກໍ່­ສ້າງ ແລະ ຕິດຕັ້ງຕາຂ່າຍໄຟ­ຟ້າແຮງສູງ 115ກິໂລວັດ ການຍົກ­ຍ້າຍການຈັດສັນອາ­ຊີບ ແລະ ການຊົດເຊີຍ ຜົນຜະ­ລິດທີ່ເສຍຫາຍຂອງປະ­ຊາ­ຊົນ 11ບ້ານຂອງເມືອງລອງ ແຂວງຫຼວງນ້ຳທາ ແລະ ເມືອງເມິງ ແຂວງບໍ່ແກ້ວ ແນວ­ໃດກໍດີ ຫຼັງການວິ­ໄຈແລ້ວ ບໍ­ລິ­ສັດດັ່ງ­ກ່າວຈະນຳເອົາບົດລາຍງານນຳສະ­ເໜີຕໍ່ລັດ­ຖະ­ບານລາວຄົ້ນຄ້ວາຊີ້ນຳຕໍ່ໄປ.

ການກໍ່­ສ້າງເຂື່ອນໄຟ­ຟ້າດັ່ງ­ກ່າວ ເປັນຜົນຈາກການອະ­ນຸ­ມັດຂອງລັດ­ຖະ­ບານລາວ ໃຫ້ບໍ­ລິ­ສັດ ອາ­ຊີ-ປາຊີຟິກ ປິສເນັດລິງ ເປັນຜູ້ສຶກສາເສດ­ຖະ­ກິດ ເຕັກ­ນິກ ແລະ ສິ່ງ­ແວ­ດລ້ອມ-ສັງ­ຄົມ ເຊິ່ງເຂື່ອນດັ່ງ­ກ່າວ ມີກຳ­ລັງແຮງຕິດຕັ້ງໄຟ­ຟ້າ 120ເມກາວັດ ໂດຍສ້າງເປັນອ່າງໂຕ່ງ ກວມເນື້ອ­ທີ່ 2.825ກິໂລຕາແມັດ ເຂື່ອນສູງ 140ແມັດ ແລະ ສັນເຂື່ອນຍາວ 600ແມັດ.

ວັນທີ 23 ພຶດສະພາ 2012 – ເວລາ 13:32:10  http://www.vientianemai.net/teen/khao/1/6486

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: