Home > ໄຟຟ້າສູ່ຊົນນະບົດ > ປະຊາຊົນ 4 ເມືອງເໜືອ ແຂວງໄຊຍະບູລີ ໄດ້ຊົມໃຊ້ໄຟຟ້າຖາວອນ

ປະຊາຊົນ 4 ເມືອງເໜືອ ແຂວງໄຊຍະບູລີ ໄດ້ຊົມໃຊ້ໄຟຟ້າຖາວອນ

ໂຄງການກໍ່ສ້າງຕາຂ່າຍໄຟຟ້າແຮງກາງ 22 ກິໂລໂວນ, ແຮງຕ່ຳ 0,4 ກິໂລໂວນ ແລະ ຕິດຕັ້ງຫມໍ້ແປງ ເຂົ້າຫາກຸ່ມບ້ານພັດທະນາໃນ 4 ເມືອງເໜືອຂອງແຂວງໄຊຍະບູລີ ໄດ້ເລີ່ມລົງມືກໍ່ສ້າງມາແຕ່ທ້າຍປີ 2010 ແລະ ຮອດປີ 2012 ແມ່ນສຳເລັດ 100%. ໂດຍແມ່ນບໍລິສັດອານັດກໍ່ສ້າງ ແລະ ຕິດຕັ້ງໄຟຟ້າເປັນຜູ້ຮັບເໝົາກໍ່ສ້າງ ໃນມູນຄ່າທັງໝົດ 33 ຕື້ 900 ລ້ານກວ່າກີບ ເຊິ່ງແມ່ນທຶນຂອງລັດ. ໜ້າວຽກທີ່ໄດ້ເຮັດຕົວຈິງແມ່ນ ການກໍ່ສ້າງ ແລະ ຕິດຕັ້ງລະບົບຕາຂ່າຍໄຟຟ້າແຮງກາງ 22 ກິໂລໂວນ ມີຄວາມຍາວ 93 ກິໂລແມັດກວ່າ ແລະ ແຮງຕ່ຳ 0,4 ກິໂລໂວນ ມີຄວາມຍາວ 20 ກວ່າກິໂລແມັດ, ພ້ອມທັງຕິດຕັ້ງຫມໍ້ແປງໄຟຈຳນວນ 13 ຊຸດ, ມີ 13 ບ້ານ, ໃນນີ້ເມືອງຫົງສາ 1 ບ້ານ, ເມືອງເງິນ 2 ບ້ານ, ເມືອງຊຽງຮ່ອນ 8 ບ້ານ ແລະ ເມືອງຄອບ 2 ບ້ານ, ລວມມີ 1.163 ຄອບຄົວ. ພິທີມອບ-ຮັບ ແລະ ນຳໃຊ້ໄຟຟ້າຖາວອນຢູ່ 4 ເມືອງເໜືອຂອງແຂວງໄຊຍະບູລີ ໄດ້ຈັດຂຶ້ນເມື່ອບໍ່ດົນມານີ້ ທີ່ໂຮງແຮມໄຊອານັນ ແຂວງໄຊຍະບູລີ. ໃນພິທີມີ ທ່ານ ພົງສະຫວັນ ສິດທະວົງ ຮອງເຈົ້າແຂວງໄຊຍະບູລີ, ມີຫົວໜ້າ, ຮອງຫົວໜ້າພະແນກການ, ກົມກອງພ້ອມດ້ວຍພະນັກງານວິຊາການທີ່ກ່ຽວຂ້ອງເຂົ້າຮ່ວມ. ໃນພິທີ, ມີຕາງໜ້າເຈົ້າຂອງໂຄງການ, ບໍລິສັດຮັບເໝົາກໍ່ສ້າງ, ຫົວໜ້າພະແນກພະລັງງານ ແລະ ບໍ່ແຮ່ແຂວງ ແລະ ອຳນວຍການລັດວິສາຫະກິດໄຟຟ້າລາວ ສາຂາແຂວງໄຊຍະບູລີ ໄດ້ຮ່ວມກັນເຊັນບົດບັນທຶກ ເພື່ອເປີດການນຳໃຊ້ໄຟຟ້າຖາວອນຢູ່ 4 ເມືອງເໜືອ ຂອງແຂວງໄຊຍະບູລີຢ່າງເປັນທາງການ.
(ຂ່າວ: ບຸນທີ ແສງຈັນທະລາ) http://www.pasaxon.org.la/conten/4-5-12/1.htm

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: