Home > ເຂື່ອນ, Uncategorized > ມີແຜນສ້າງເຂື່ອນ ໄຟຟ້າຂະຫນາດ 5 ເມກາວັດຢູ່ເມືອງກາສີ

ມີແຜນສ້າງເຂື່ອນ ໄຟຟ້າຂະຫນາດ 5 ເມກາວັດຢູ່ເມືອງກາສີ

ຂ່າວ: ພູຂອງ

ອຳນາດການປົກຄອງແຂວງວຽງຈັນ ໄດ້ອະນຸຍາດໃຫ້ ບໍລິສັດພັດທະນາລ້ອງງື່ມເຂົ້າ ສຶກສາສຳຫລວດເຖິງຄວາມເປັນໄປໄດ້ການສ້າງເຂື່ອນໄຟຟ້ານ້ຳ ຕົກຂະຫນາດ 5 ເມກາວັດ ຢູ່ນ້ຳຊາໃຫຍ່ເມືອງກາສີແຂວງວຽງຈັນ.

ພິທີເຊັນບົດບັນທຶກຄວາມເຂົ້າໃຈໄດ້ມີຂຶ້ນໃນວັນທີ 20 ມັງ ກອນ 2011 ທີ່ຣີສອດວັງຊ້າງລະຫວ່າງທ່ານ ອຸດົງ ພົງໄພປະດິດ ຮັກສາການຫົວຫນ້າພະແນກ ແຜນການŒການລົງທຶນ, ຕາງຫນ້າໃຫ້ອຳນາດການປົກຄອງແຂວງວຽງຈັນ ກັບທ່ານ ພອນໄຊ ໄວຍະພັດ ຫົວຫນ້າບໍລິສັດພັດທະນາລ້ອງງື່ມ ໂດຍມີທ່ານ ນາງ ສິງຄຳ ຄົງສະຫວັນ ຮອງເຈົ້າແຂວງໆວຽງຈັນ ເຂົ້າຮ່ວມເປັນສັກຂີພິຍານ.

ທ່ານ ຈະເລີນສຸກ ວິສິດພັກດີ ຫົວຫນ້າຂະແຫນງການພະລັງງານ, ພະແນກພະລັງງານŒບໍ່ແຮ່ໃຫ້ຮູ້ວ່າ: ຕາມການສຳຫລວດໃນເບື້ອງ ຕົ້ນເຂື່ອນດັ່ງກ່າວ ຈະມີທີ່ຕັ້ງຢູ່ບ້ານຫົວເມືອງເຂດຜາເຈົ້າ ເມືອງກາສີຫ່າງຈາກເທດສະບານ ເມືອງໄປທາງທິດເຫນືອປະມານ 20ກິໂລ ແມັດ, ຕົວເຮືອນຈັກຕັ້ງຢູ່ບ້ານຜາເຈົ້າ ໄປທາງທິດຕາເວັນຕົກ 4 ກິໂລແມັດ.

ເຂື່ອນດັ່ງກ່າວຈະມີລວງສູງຂອງນ້ຳຕົກ 60 ແມັດ, ລວງຍາວຂອງເຂື່ອນປະມານ 80 ແມັດ ດ້ວຍກຳລັງຕິດຕັ້ງ 5 ເມກາວັດ ສາມາດຜະລິດກະແສໄຟຟ້າໄດ້ 31 ລ້ານກິໂລວັດໂມງຕໍ່ປີ ມີເງື່ອນໄຂສະດວກໃນການເຊື່ອມຕໍ່ໄຟຟ້າ ເຂົ້າກັບລະບົບຕາຂ່າຍຂອງລັດວິສາຫະກິດໄຟຟ້າລາວ ຢູ່ເຂດດັ່ງກ່າວ ເຊິ່ງມີໄລຍະຫ່າງພຽງ 6 ກິໂລແມັດ, ຄາດຄະເນການກໍ່ສ້າງເບື້ອງຕົ້ນປະມານ 10,7 ລ້ານໂດລາສະຫະລັດ.

ທ່ານ ພອນໄຊ ໄວຍະພັດ ກ່າວວ່າ: ຫລັງຈາກການເຊັນບົດບັນທຶກຄວາມເຂົ້າໃຈ ບໍລິສັດຈະໄດ້ສົມທົບກັບພາກສ່ວນກ່ຽວຂ້ອງ ໂດຍໃຊ້ງົບປະມານ ຂອງບໍລິສັດເອງລົງສຳຫລວດຢ່າງລະອຽດເປັນເວລາ 18 ເດືອນ ຖ້າຫາກຜົນສະຫລຸບອອກມາມີຜົນດີກວ່າຜົນເສຍ, ການໄລ່ລຽງເສດຖະກິດເຫັນວ່າກຸ້ມຄ່າ ແລະ ບໍ່ມີຜົນກະທົບຫລາຍ, ບໍລິສັດກໍ່ຈະໄດ້ດຳເນີນການຕາມຂັ້ນຕອນລະບຽບຫລັກການເທື່ອລະກ້າວ ໄປເຖິງການລົງມືກໍ່ສ້າງ
http://www.ecom.org.la/teen/khao/1/275

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: