Home > ຂ່າວໄຟຟ້າ > ພິທີ​ເປີດ​ນຳ​ໃຊ້​ໄຟ​ເຍືອງ​ທາງ​ ແຕ່​ຂົວ​ມິດຕະພາບ​ ຫາ​ສາມ​ແຍກ​ຈີ່ນາຍ​ໂມ້

ພິທີ​ເປີດ​ນຳ​ໃຊ້​ໄຟ​ເຍືອງ​ທາງ​ ແຕ່​ຂົວ​ມິດຕະພາບ​ ຫາ​ສາມ​ແຍກ​ຈີ່ນາຍ​ໂມ້

ພິທີເປີດນຳໃຊ້ໄຟເຍືອງ ທາງແຕ່ຂົວມິດຕະພາບຫາສາມແຍກຈີ່ນາຍໂມ້ ໄດ້ຈັດຂຶ້ນໃນວັນທີ 9 ທັນວາ 2010 ທີ່ນະຄອນຫລວງວຽງຈັນ ໂດຍເປັນກຽດເຂົ້າຮ່ວມຂອງພະນະທ່ານ ບົວສອນ ບຸບຜາວັນ ນາຍົກລັດຖະມົນຕີແຫ່ງ ສປປ ລາວ ແລະ ພະນະທ່ານ ອະພິຊິດ ເວດຊາຊີວະ ນາຍົກລັດຖະມົນຕີ
ແຫ່ງຣາຊະອານາຈັກໄທ, ເຈົ້າຄອງນະຄອນຫລວງ, ບັນດາທູຕານຸທູດ ແລະ ຄະນະນຳຂັ້ນສູງທັງສອງປະເທດ ເຂົ້າຮ່ວມ.

ໂຄງການຕິດຕັ້ງໄຟເຍືອງທາງຖະໜົນທ່າເດື່ອ ແຕ່ຂົວມິດຕະພາບຫາສາມແຍກຈີ່ນາຍໂມ້ ມີໄລຍະທາງ ຍາວ 11.900 ແມັດ ໂດຍທຶນຊ່ວຍເຫລືອລ້າຂອງລັດຖະບານແຫ່ງຣາຊະອານາຈັກໄທ ມີມູນຄ່າທັງໝົດ 21.008.000 ບາດ (ສະກຸນເງິນໄທ), ໂຄງການຕິດຕັ້ງໄຟເຍືອງທາງ ແຕ່ຂົວມິດຕະພາບຫາສາມແຍກ
ຈີ່ນາຍໂມ້ໃນຄັ້ງນີ້ ເປັນກິດຈະກຳທີ່ມີຄວາມໝາຍສຳຄັນ ຕໍ່ການສະເຫລີມສະຫລອງ ວັນສ້າງຕັ້ງສາຍພົວພັນການທູດ ລະຫວ່າງລາວ – ໄທ ຄົບຮອບ 60 ປີ ແລະ
ເປັນຂອງຂວັນ ໃຫ້ແກ່ງານສະເຫລີມສະຫລອງວັນສ້າງຕັ້ງ ນະຄອນຫລວງວຽງຈັນ ຄົບຮອບ 450 ປີ.

ໂຄງການນີ້ເປັນໂຄງການຕົວແບບໂດຍນຳໃຊ້ໂຄມໄຟ LED ມີກຳລັງໄຟຟ້າພຽງແຕ່ 90 ວັດ ແຕ່ສາມາດໃຫ້ແສງສະຫວ່າງ ເທົ່າກັບດອກໄຟຂະໜາດ 250 ວັດ,
ສາມາດປະຢັດພະລັງງານໄດ້ 70% ບໍ່ມີການປ່ອຍສານກາກບອນດາຍອອກຊາຍ ແລະ ສານ UV ສອດຄ່ອງກັບຈິດສຳນຶກວ່າດ້ວຍໂລກຮ້ອນ, ຫລອດໄຟ LED ມີອາຍຸໃຊ້ງານຫລາຍກວ່າ 40.000 ຊົ່ວໂມງ.

ບໍລິສັດ ລາວສະແຕນເລ ຈຳກັດ ເປັນຜູ້ຮັບເໝົາກໍ່ສ້າງຕິດຕັ້ງໂດຍນຳໃຊ້ແຮງງານຄົນລາວ, ອຸປະກອນການກໍ່ສ້າງສ່ວນຫລາຍ ແມ່ນນຳເຂົ້າຈາກປະເທດໄທ ໂດຍແມ່ນບໍລິສັດໄທສະແຕນເລ ສະໜອງໃຫ້, ໄລຍະການກໍ່ສ້າງແມ່ນກຳນົດ 2 ເດືອນ ເລີ່ມແຕ່ວັນທີ 15 ຕຸລາ 2010 ມາຮອດປະຈຸບັນ ໂຄງການດັ່ງກ່າວປະຕິບັດສຳເລັດແລ້ວ 80% ໜ້າວຽກທີ່ຍັງຈະໄດ້ສືບຕໍ່ຈັດຕັ້ງປະຕິບັດ ແມ່ນການຕີດຕັ້ງດອກໄຟໃສ່ຫົວເສົາຈຳນວນໜຶ່ງ ຍ້ອນສາຍເຫດສຸດວິໃສ, ໂຮງງານຜະລິດດອກໄຟຢູ່ປະເທດໄທ
ຖືກນ້ຳຖ້ວມ ບໍ່ໄປຕາມແຜນການທີ່ກຳນົດໄວ້, ແຕ່ເຖິງຢ່າງໃດກໍ່ຕາມ ທາງບໍລິສັດ ຈະພະຍາຍາມສູ້ຊົນເຮັດໃຫ້ສຳເລັດ ຕາມແຜນທີ່ກຳນົດໄວ້.

ໃນພິທີດັ່ງກ່າວໃຫ້ກຽດຂຶ້ນຕັດແຖບຜ້າ ໂດຍພະນະທ່ານ ບົວສອນ ບຸບຜາວັນ ນາຍົກລັດຖະມົນຕີແຫ່ງ ສປປ ລາວ ແລະ ພະນະທ່ານ ອະພິສິດ ເວດຊາຊີວະ ນາຍົກລັດຖະມົນຕີແຫ່ງ ຣາຊະອານາຈັກໄທ.
http://www.pasaxon.org.la/conten/10-12-10/news4.htm

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: