Home > ເຂື່ອນ > ເຂື່ອນ​ໄຟຟ້າ​ນ້ຳ​ຊອງ​ ຂະໜາດ 5 ​ເມ​ກາ​ວັດ ຈະ​ເລີ່​ມກໍ່ສ້າງ​ໃນ​ປີ 2012

ເຂື່ອນ​ໄຟຟ້າ​ນ້ຳ​ຊອງ​ ຂະໜາດ 5 ​ເມ​ກາ​ວັດ ຈະ​ເລີ່​ມກໍ່ສ້າງ​ໃນ​ປີ 2012

ເຂື່ອນໄຟຟ້ານ້ຳຕົກຂະຫນາດນ້ອຍນ້ຳຊອງໃນໂຄງການພັດທະນາເຂື່ອນໄຟຟ້າ ເຂດບ້ານຖິ່ນອ່ອນ ເມືອງວັງວຽງ ແຂວງວຽງຈັນພາຍຫຼັງທີ່ໄດ້ເລີ່ມສຳຫລວດ ອອກແບບເບື້ອງຕົ້ນມາແຕ່ທ້າຍເດືອນ 5 ປີ 2010 ເປັນຕົ້ນມາໂດຍ ບໍລິສັດ ເພັດໄລພອນຄອນກຣີດ ຈຳກັດ. ມາໃນວັນທີ 27 ກັນຍາ 2010 ຈຶ່ງມີພິທີເຊັນສັນຍາໃນໂຄງການດັ່ງກ່າວຂອງສອງ ບໍລິສັດ ລະຫວ່າງທ່ານ ເພັດ ວົງຂັນຕີ ປະທານບໍລິສັດ ເພັດໄລພອນຄອນກຣີດ ຈຳກັດ ແລະ ທ່ານປະທານບໍລິສັດ ທີ່ປຶກສາພະລັງນ້ຳ ເຮັກອີຈີເນຍຣິງ (HEC Engineering Co., Ltd) ຂຶ້ນ ຢູ່ຮ້ານອາຫານດາວວຽງ ນະຄອນຫລວງວຽງຈັນ ໂດຍມີທ່ານ ສົມບູນ ຣາຊາສົມບັດ ລັດຖະມົນຕີ ຊ່ວຍວ່າການກະຊວງພະລັງງານ – ບໍ່ແຮ່, ມີບັນດາລັດຖະມົນຕີຊ່ວຍວ່າການ ຈາກກະຊວງກ່ຽວຂ້ອງ, ເຈົ້າເມືອງໆວັງວຽງ, ມີຜູ້ຕາງຫນ້າຈາກພະແນກການຕ່າງໆ ທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ໃນພິທີເຊັນສັນຍາຄັ້ງນີ້ທ່ານ ເພັດ ວົງຂັນຕີ ໄດ້ແຈ້ງໃຫ້ຊາບວ່າ: ໂຄງການດັ່ງກ່າວ ຈະໄດ້ເລີ່ມການກໍ່ສ້າງໃນປີ 2012 ແລະ ໃນສັນຍາເບື້ອງຕົ້ນ ບໍລິສັດທີ່ປຶກສາພະລັງນ້ຳເ ຮັກອີຈີເນຍຣິງ ແມ່ນມີຫນ້າທີ່ຮັບຜິດຊອບແບ່ງອອກເປັນສອງພາກຄື: ພາກທີ 1: ບໍລິສັດດັ່ງກ່າວມີຫນ້າທີ່ຮັບຜິດຊອບ ອອກແບບສຳຫລວດຂໍ້ມູນເບື້ອງຕົ້ນ ກ່ຽວກັບເຕັກນິກດ້ານທໍລະນີສາດ, ອຸທົກກະສາດ ແລະ ອອກແບບໃນກຳນົດ 1 ເດືອນຖ້າຫາກ ບໍລິສັດດັ່ງກ່າວປະສົບຜົນສຳເລັດ ຮັບປະກັນທາງດ້ານເຕັກນິກ ຂອງການສ້າງເຂື່ອນ ແມ່ນຈະສາມາດສືບຕໍ່ດຳເນີນ ໃນໂຄງການແບບອັດຕາໂນມັດໄປເລີຍ ໄລຍະທີ 2 ໃນກຳນົດ 9 ເດືອນເພື່ອສືບຕໍ່ປະຕິບັດວຽກງານ ດ້ານສະຖາປັດໄຮໂດຣິກອື່ນໆລວມທັງການວິໄຈດ້ານການເງິນ ແລະ ຜົນກະທົບຕໍ່ສິ່ງແວດລ້ອມນຳດ້ວຍ. ໃນເນື້ອທີ່ສຳຫລວດທັງຫມົດປະມານ 80 ຕາລາງກິໂລແມັດ, ຄວາມສູງຂອງເຂື່ອນປະມານ 40 ແມັດ ມີຄວາມຍາວ 110 ແມັດ ເປັນເຂື່ອນໄຟຟ້າຂະຫນາດນ້ອຍ ມີກຳລັງການຜະລິດຂະຫນາດ 5 ເມກາວັດ. ພາຍຫລັງ ການສຳຫລວດອອກແບບທັງຫມົດແລ້ວ ໂຄງການດັ່ງກ່າວຈະໄດ້ເລີ່ມຕົ້ນກໍ່ສ້າງໃນປີ 2012 ແລະ ຈະໃຫ້ສຳເລັດໃນປີ 2016.
http://www.pasaxon.org.la/conten/29-9-10/7.htm

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: