Home > ເຂື່ອນ > ໂຄງການ​ກໍ່ສ້າງ​ເຂື່ອນ​ໄຟຟ້າ​ນ້ຳຍອນ ຂະຫນາດ​ນ້ອຍ​ ຢູ່​ແຂວງ​ບໍ່​ແກ້ວ​ສຳ​ເລັດ​ແລ້ວ 81,40%

ໂຄງການ​ກໍ່ສ້າງ​ເຂື່ອນ​ໄຟຟ້າ​ນ້ຳຍອນ ຂະຫນາດ​ນ້ອຍ​ ຢູ່​ແຂວງ​ບໍ່​ແກ້ວ​ສຳ​ເລັດ​ແລ້ວ 81,40%

ໂຄງການກໍ່ສ້າງເຂື່ອນໄຟຟ້ານ້ຳຍອນຂະຫນາດນ້ອຍ ຢູ່ເມືອງຫ້ວຍຊາຍ ແຂວງບໍ່ແກ້ວ ໄດ້ເລີ່ມລົງມືກໍ່ສ້າງມາແຕ່ທ້າຍປີ 2008. ໂດຍແມ່ນທຶນຈາກພາກສ່ວນ ນັກທຸລະກິດເອກະຊົນ ສປ ຈີນ ມູນຄ່າການກໍ່ສ້າງທັງຫມົດ 4 ລ້ານກວ່າໂດລາສະຫະລັດ, ເຊິ່ງແມ່ນ ບໍລິສັດ ໄຮໂດພາວເວີ ຈຳກັດ ເປັນຜູ້ຮັບເຫມົາກໍ່ສ້າງ, ມາຮອດປະຈຸບັນນີ້ ບັນດາຫນ້າວຽກຂອງການກໍ່ສ້າງທັງຫມົດ ສຳເລັດແລ້ວ 81,40%.

ໂຄງການກໍ່ສ້າງເຂື່ອນໄຟຟ້າແຫ່ງນີ້ ເປັນເຂື່ອນນ້ຳລົ້ນຂະຫນາດນ້ອຍ, ຫນ້າເຂື່ອນມີຄວາມກວ້າງ 33 ແມັດ, ສູງ 10,7 ແມັດ, ສັນເຂື່ອນຫນາ 4 ແມັດ, ໄລຍະຄອງເຫມືອງໄປຫາອ່າງເກັບນ້ຳຍາວ 1.200 ແມັດ, ສາມາດລະບາຍນ້ຳໄດ້ 9,1 ແມັດກ້ອນຕໍ່ວິນາທີ, ມີອ່າງເກັບນ້ຳຂະຫນາດ 8 ແມັດ x 8 ແມັດ x 50 ແມັດ. ສາມາດບັນຈຸນ້ຳໄດ້ 3.200 ກວ່າ ແມັດກ້ອນ, ຕິດຕັ້ງເຄື່ອງປັ່ນໄຟຂະຫນາດ 1,5 ເມກາວັດ 2 ເຄື່ອງ, ນ້ຳໄຫລເຂົ້າເຄື່ອງປັ່ນໄຟຟ້າ 8,3 ແມັດ
ກ້ອນຕໍ່ວິນາທີ, ສາມາດຜະລິດກະແສໄຟຟ້າໄດ້ 15 ຈີກາວັດໂມງຕໍ່ປີ, ຄາດວ່າການກໍ່ສ້າງຈະໃຫ້ສຳເລັດໃນທ້າຍປີ 2010 ນີ້.

ພາຍຫລັງກໍ່ສ້າງສຳເລັດແລ້ວ ຈະເປີດເຊື່ອມຕໍ່ໃສ່ລະບົບໄຟຟ້າລາວ, ໂຄງການດັ່ງກ່າວ ຈະສາມາດສະຫນອງກະແສໄຟຟ້າ ໃຫ້ແກ່ປະຊາຊົນແຂວງບໍ່ແກ້ວໄດ້ປະມານ
40% ຂອງຄວາມຕ້ອງການຊົມໃຊ້ກະແສໄຟຟ້າໃນທົ່ວແຂວງ, ເຮັດໃຫ້ປະຊາຊົນ ໄດ້ຊົມໃຊ້ມີຄວາມສະດວກສະບາຍດີຂຶ້ນກວ່າເກົ່າ. ພ້ອມທັງເປັນການສ້າງ
ພື້ນຖານໂຄງລ່າງໃຫ້ແກ່ການສ້າງສາ ແລະ ພັດທະນາແຂວງບໍ່ແກ້ວ ມີຄວາມຈະເລີນກ້າວຫນ້າແນໃສ່ເຮັດໃຫ້ປະຊາຊົນບັນດາເຜົ່າ ໄດ້ຫລຸດພົ້ນອອກຈາກຄວາມທຸກຍາກໂດຍໄວ.

(ໂດຍ: ບຸນປິງ ແສນຄຳມຸງຄຸນ)
http://www.pasaxon.org.la/conten/1-10-10/news3.htm

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: