Home > ເຂື່ອນ > ລົງນາມຮັບຊື້ໄຟຟ້າໂຄງການໂຮງໄຟຟ້າເຊປຽນ ເຊນ້ຳນ້ອຍ ໃນ ສປປ ລາວ

ລົງນາມຮັບຊື້ໄຟຟ້າໂຄງການໂຮງໄຟຟ້າເຊປຽນ ເຊນ້ຳນ້ອຍ ໃນ ສປປ ລາວ

ບໍລິສັດຜະລິດໄຟຟ້າ ຣາຊບູລີ ໂຮລດິ້ງ ຈຳກັດ (ມະຫາຊົນ) ກັບການໄຟຟ້າຝ່າຍຜະລິດແຫ່ງປະເທດໄທ (ກຟຜ) ຮ່ວມລົງນາມບັນທຶກຄວາມເຂົ້າໃຈ ການຮັບຊື້ໄຟຟ້າ (Tariff Memorandum of Understanding) ໂຄງການໄຟຟ້າພະລັງນ້ຳ-ເຊປຽນ ເຊນ້ຳນ້ອຍ ຕັ້ງຢູ່ໃນ ສປປ ລາວ ໂດຍກຸ່ມຜູ້ ພັດທະນາໂຄງການ ຊຶ່ງປະກອບດ້ວຍບໍລິສັດຜະລິດໄຟຟ້າ ຣາຊບູລີ ໂຮລດິ້ງ ຈຳກັດ (ມະຫາຊົນ) SK Engineering and construction Co.,Ltd ແລະ ກຸ່ມບໍລິສັດ Korea Western Power ລົງນາມໃນບັນທຶກຄວາມເຂົ້າໃຈການຮັບຊື້ໄຟຟ້າກັບ ກຟຜ ໃນຖານະຜູ້ຮັບຊື້ໄຟຟ້າ ພິທີລົງນາມດັ່ງກ່າວ ມີຂຶ້ນລະຫວ່າງທ່ານ ສຸທັດ ປັດຖະມະສິຣິວັດ ຜູ້ວ່າການ ກຟຜ ທ່ານ ນົບພົນ ມິລິນທາງກຸນ ກຳມະການຜູ້ຈັດການໃຫຍ່ບໍລິສັດຜະລິດໄຟຟ້າ ຣາຊບູລີ ໂຮລດິ້ງ ຈຳກັດ (ມະຫາຊົນ) Mr.Suk-kyong YOON ປະທານເຈົ້າໜ້າທີ່ບໍລິຫານ SK Engineering and Construction Co.,Ltd ແລະ Mr.Moon Duk Kim ປະທານເຈົ້າໜ້າທີ່ບໍລິຫານກຸ່ມບໍລິສັດ Korea Western Power ໃນຖານະຜູ້ພັດທະນາໂຄງການ ໂດຍມີທ່ານ ໄຊປະເສີດ ພົມສຸພາ ຫົວໜ້າກົມພັດທະນາ ແລະ ສົ່ງເສີມພະລັງງານ ກະຊວງພະລັງງານ ແລະ ບໍ່ແຮ່ ຈາກ ສປປ ລາວ ແລະ ພາກສ່ວນກ່ຽວຂ້ອງໃຫ້ກຽດເປັນ ສັກຂີພິຍານ.

ທ່ານ ນົບພົນ ມິລິນທາງກູນ ກ່າວວ່າ ໂຄງການໂຮງໄຟຟ້າເຊປຽນ ເຊນ້ຳນ້ອຍ ນັບເປັນໂຄງການໂຮງໄຟຟ້າຂະໜາດໃຫຍ່ແຫ່ງທີ 4 ໃນ ສປປ ລາວ ທີ່ບໍລິສັດໄດ້ເຂົ້າຮ່ວມລົງທຶນ ນັບຈາກໂຄງການໂຮງໄຟຟ້ານ້ຳງື່ມ 2 ໂຮງໄຟຟ້ານ້ຳງື່ມ 3 ແລະ ໂຮງໄຟຟ້າຫົງສາ ການລົງນາມໃນຄັ້ງນີ້ ເປັນຄວາມ ກ້າວໜ້າອີກຂັ້ນໃນການພັດທະນາໂຄງການແຫ່ງນີ້ ຊຶ່ງມີມູນຄ່າໂຄງການປະມານ 877 ລ້ານໂດລາ ບໍລິສັດໝັ້ນໃຈວ່າຈະສາມາດພັດທະນາໂຄງການ ໃຫ້ສຳເລັດ ແລະ ສາມາດຜະລິດໄຟຟ້າຈຳໜ່າຍໄດ້ຕາມກຳນົດທີ່ວາງໄວ້ໃນປີ 2018 ຊຶ່ງບໍ່ພຽງຈະຊ່ວຍເສີມຄວາມໝັ້ນຄົງລະບົບໄຟຟ້າຂອງໄທ ເທົ່າ ນັ້ນ ແຕ່ຍັງເປັນປະໂຫຍດທັງດ້ານເສດຖະກິດ ແລະ ສັງຄົມຂອງ ສປປ ລາວ ອີກທັງຍັງເປັນການຊ່ວຍຫຼຸດການໃຊ້ເຊື້ອເພີງຟອສຊິລ ທີ່ກໍ່ໃຫ້ເກີດພາ ວະໂລກຮ້ອນອີກ.

ໂຄງການໂຮງໄຟຟ້າພະລັງນ້ຳ-ເຊປຽນ ເຊນ້ຳນ້ອຍ ເປັນໂຄງການຜະລິດໄຟຟ້າຈາກພະລັງນ້ຳ ທີ່ຢູ່ພາຍໃຕ້ຄວາມຮ່ວມມື ໃນການພັດທະນາພະລັງງານ ໄຟຟ້າ ລະຫວ່າງລັດຖະບານ ແຫ່ງ ສປປ ລາວ ແລະ ຣາຊະອານາຈັກໄທ ກະແສໄຟຟ້າທີ່ຜະລິດໄດ້ເກືອບທັງໝົດຂອງໂຄງການ ຈະຂາຍໃຫ້ກັບ ກຟຜ ເພື່ອຮອງຮັບຄວາມຕ້ອງການໃຊ້ໄຟຟ້າໃນປະເທດໄທ ເປັນໄລຍະເວລາ 27 ປີ ໂດຍເຊື່ອມຕໍ່ກັບລະບົບສົ່ງໄຟຟ້າຂອງ ກຟຜ ທີ່ແຂວງອຸບົນຣາດ ຊະທານີ ມີກຳລັງການຜະລິດຕິດຕັ້ງປະມານ 390 ເມັກກາວັດ ກຳນົດເດີນເຄື່ອງເພື່ອຈຳໜ່າຍໄຟຟ້າ ປະມານປີ 2018 ໂຄງການດັ່ງກ່າວຕັ້ງຢູ່ແຂວງ ອັດຕະປື ແລະ ແຂວງຈຳປາສັກ ຂອງ ສປປ ລາວ ໂຄງການດັ່ງກ່າວ ເມື່ອຈັດຕັ້ງເປັນນິຕິບຸກຄົນແລ້ວ ຈະມີໂຄງສ້າງການຖືຫຸ້ນດັ່ງນີ້ ບໍລິສັດຜະລິດ ໄຟຟ້າ ຣາຊະບູລີ ໂຮລດິ້ງ ຈຳກັດ (ມະຫາຊົນ) ຈະຖືຫຸ້ນ 25% SK Engineering and Construction Co.,Ltd ຈະຖືຫຸ້ນ 26% ກຸ່ມບໍລິສັດ Korea Western power ຈະຖືຫຸ້ນ 25% ແລະ Lao Holding State Enterprise ຈະຖືຫຸ້ນ 24%.

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: