Home > ເຂື່ອນ > ເຂື່ອນໄຟຟ້າໄຊຍະບູລີ ຈະບໍ່ສົ່ງຜົນກະທົບຕໍ່ການໄຫຼຂອງນ້ຳຂອງ

ເຂື່ອນໄຟຟ້າໄຊຍະບູລີ ຈະບໍ່ສົ່ງຜົນກະທົບຕໍ່ການໄຫຼຂອງນ້ຳຂອງ

ໂຄງການເຂື່ອນໄຟຟ້ານ້ຳຕົກໄຊຍະບູລີ ທີ່ຈະຂາຍພະລັງງານໄຟຟ້າໃຫ້ແກ່ການໄຟຟ້າຝ່າຍຜະລິດແຫ່ງປະເທດໄທ 1.220 ເມັກກະວັດ ໃນອັດຕາຄ່າ ໄຟຟ້າ ສະເລ່ຍປະມານ 552.000 ກີບຕໍ່ໜ່ວຍ ເຊິ່ງໂຄງການດັ່ງກ່າວເປັນໂຄງການຝາຍນ້ຳລົ້ນ ທີ່ບໍ່ສົ່ງຜົນກະທົບເຖິງການໄຫຼຂອງກະແສນ້ຳໃນແມ່ນ ນ້ຳຂອງ.

ພິທີເຊັນບົດບັນທຶກຄວາມເຂົ້າໃຈການຮັບຊື້ໄຟຟ້າລະຫວ່າງບໍລິສັດ ຊ.ການຊ່າງ ຈຳກັດ(ມະຫາຊົນ) ຜູ້ພັດທະນາໂຄງການເຂື່ອນໄຟຟ້ານ້ຳຕົກໄຊຍະບູລີ ກັບການໄຟຟ້າຝ່າຍຜະລິດແຫ່ງປະເທດໄທ (EGAT) ໄດ້ຈັດຂຶ້ນໃນວັນທີ 5 ກໍລະກົດ 2010 ຜ່ານມາ ໂດຍມີທ່ານ ສົມສະຫວາດ ເລັ່ງສະຫວັດ ຮອງ ນາຍົກລັດຖະມົນຕີ ຜູ້ປະຈຳການລັດຖະບານ ພ້ອມພາກສ່ວນກ່ຽວຂ້ອງເຂົ້າຮ່ວມ.

ບົດບັນທຶກສະບັບດັ່ງກ່າວແມ່ນຈະໄດ້ຂາຍໄຟຟ້າໃຫ້ EGAT ຕະຫຼອດໄລຍະຂອງການສຳປະທານ ເຊິ່ງນັບຕັ້ງແຕ່ວັນຈ່າຍໄຟຟ້າໃນລັກສະນະການຄ້າ ທາງໂຄງການຈະເຊື່ອມຕໍ່ລະບົບໄຟຟ້າຂອງ EGAT ທີ່ສະຖານີໄຟຟ້າເລີຍ 2 ດ້ວຍລະບົບສາຍສົ່ງ 500 ກິໂລໂວນ ຈາກໂຄງການເຖິງຊາຍແດນໄທ ໄລຍະທາງປະມານ 220 ກິໂລແມັດ ເຊິ່ງໂຄງການໄຟຟ້າດັ່ງກ່າວຈະສາມາດຂາຍໄຟຟ້າໄດ້ໃນປີ 2019.

ໂຄງການເຄື່ອນໄຟຟ້ານ້ຳຕົກໄຊຍະບູລີ ຕັ້ງຢູ່ແມ່ນ້ຳຂອງພາຍໃຕ້ ການເກັບກຳດູແລຂອງຄະນະກຳມະການແມ່ນ້ຳຂອງ ຕາມການຕົກລົງວ່າດ້ວຍການ ຮ່ວມມື ເພື່ອການພັດທະນາລຸ່ມແມ່ນ້ຳຂອງແບບຍືນຍົງ ລະຫວ່າງກຳປູເຈຍ ລາວ ໄທ ແລະ ຫວຽດນາມ ເປັນໂຄງການຝາຍນ້ຳລົ້ນ ເຊິ່ງບໍ່ຢຸດການໄຫຼ ຂອງກະແສນ້ຳໃນແມ່ນ້ຳຂອງ ແລະ ຍັງຈະຊ່ວຍໃຫ້ປະລິມານການໄຫຼຂອງນ້ຳໃຫ້ເປັນຢ່າງຕໍ່ເນື່ອງ ໂດຍສະເພາະໃນລະດູແລ້ງ ເຊິ່ງຈຸດນີ້ໄດ້ກາຍເປັນ ຄວາມມຸງໝາຍໃນການພັດທະນາລຸ່ມແມ່ນ້ຳຂອງແບບຍືນຍົງ ພ້ອມນັ້ນທາງໂຄງການຈະປະຕິບັດເຂັ້ມງວດຕາມຂໍ້ແນະນຳຂອງຄະນະກຳມະການແມ່ນ້ຳ ຂອງ ເຊັ່ນ ການຈັດໃຫ້ມີປະຕູເຮືອທີ່ຈະອຳນວຍຄວາມສະດວກໃຫ້ແກ່ການຂົນສົ່ງໃນແມ່ນ້ຳຂອງ ເຮັດໃຫ້ເຮືອບັນທຸກທີ່ມີຂະໜາດ 500 ໂຕນ ຜ່ານໄດ້ ສ່ວນສະພານປາ (ທາງປາ) ຈະຊ່ວຍໃຫ້ປາ ແລະ ສິ່ງທີ່ມີຊີວິດໃນແມ່ນ້ຳຂອງ ສາມາດຜ່າໄປຕົ້ນນ້ຳ ແລະ ທ້າຍນ້ຳໄດ້ ຊິ່ງເປັນການສະຫງວນ ແລະ ຮັກສາລະບົບນິເວດ.

ຕົວແທນ EGAT ລົງນາມຄັ້ງນີ້ ແມ່ນທ່ານ ສຸທັດ ພັດມະສິຣິວັດ ສ່ວນຕົວແທນ ຊ.ການຊ່າງ ແມ່ນທ່ານ ປຼິວ ທຼິວິສວາເວດ.
http://www.vientianemai.net/news.php?col=1&id=1854

ໝວດໝູ່:ເຂື່ອນ Tags: ,
  1. ສິດ
    February 17, 2011 at 3:16 pm

    ຂ້າພະເຈົ້າບໍ່ເຫັນດີເລີຍທີ່ຈະສ້າງເຂື່ອນໄຟຟ້າຢູ່ໃຊຍະບູລີ, ເນື່ອງຈາກວ່າມັນເປັນສິ່ງທີ່ທ້າທາຍຫຼາຍຕໍ່ກັບສິ່ງແວດລ້ອມ, ນ້ຳຂອງບໍ່ແມ່ນນ້ຳຂອງນັກລົງທຶນທີ່ມີເງິນຫຼາຍ ແຕ່ມັນເປັນອູ່ເຂົ້າອູ່ປາຂອງພໍ່ແມ່ປະຊາຊົນ, ລວມທັງເປັນທີ່ຢູ່ອາໃສຂອງສິ່ງທີ່ມີຊີວິດຢູ່ໃນນ້ຳຍົກຕົວຢ່າງປາທີ່ໃກ້ຈະສູນພັນນັ້ນກໍ່ຄື: ປາບຶກ

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: