Home > ເຂື່ອນ > ອັດ​ຕະປື: ຈະ​ສ້າງ​ເຂື່ອນ​ໄຟຟ້າ​ຢູ່​ເຊ​ນ້ຳ​ນ້ອຍ

ອັດ​ຕະປື: ຈະ​ສ້າງ​ເຂື່ອນ​ໄຟຟ້າ​ຢູ່​ເຊ​ນ້ຳ​ນ້ອຍ

ເຂື່ອນໄຟຟ້ານ້ຳຕົກຂະຫນາດນ້ອຍເຊນ້ຳນ້ອຍ 1 ເປັນເຂື່ອນທີ່ຈະສ້າງຂຶ້ນໃຫມ່ ຕັ້ງຢູ່ເມືອງສາມັກຄີໄຊ ແຂວງອັດຕະປື ຫ່າງຈາກຂົວເຊນ້ຳນ້ອຍ ຊາຍແດນອັດຕະປື-ເຊກອງ ຂຶ້ນເຫນືອປະມານ 1 ກິໂລແມັດ ໂດຍແມ່ນ ບໍລິສັດພົງຊັບທະວີ ເປັນຜູ້ສຳຫລວດອອກແບບ ແລະ ຮັບເຫມົາກໍ່ສ້າງມູນຄ່າ 15 ລ້ານໂດລາສະຫະລັດ. ດ້ວຍການສຳປະທານ 35 ປີ ມີເນື້ອທີ່ອ່າງໂຕ່ງ 1.284 ແມັດກ້ອນ ແລະ ເນື້ອທີ່ອ່າງເກັບນ້ຳ 6,2 ເຮັກຕາ, ມີກຳລັງຕິດຕັ້ງ 5 ເມກາວັດ, ສາມາດ ຜະລິດພະລັງງານໄຟຟ້າໄດ້ 45 ຈີກາວັດໂມງ ໂດຍຈະສ້າງເປັນຝາຍ ດັນເອົານ້ຳສ່ວນຫນຶ່ງຂອງເຊນ້ຳນ້ອຍ ລົງໃສ່ທໍ່ຄວາມ​ຍາວ 5 ກວ່າກິໂລແມັດເຂົ້າສູ່ເຄື່ອງຈັກປັ່ນໄຟ.

ດັ່ງນັ້ນ, ໃນວັນທີ 16 ມິຖຸນາ 2010 ນີ້ ຈຶ່ງໄດ້ຈັດກອງປະຊຸມປຶກສາຫາລື ກ່ຽວກັບຜົນກະທົບຕໍ່ສິ່ງແວດລ້ອມເບື້ອງຕົ້ນ ຂອງໂຄງການ. ໂດຍການເປັນປະທານຂອງທ່ານ ທະໂນໄຊ ຊາບັນດິດ ຫົວຫນ້າພະແນກແຜນການການລົງທຶນ ແຂວງ, ທ່ານ ພົງສະຫວັດ ໂພສີແກ້ວ ອຳນວຍການພົງທະວີຊັບ ພ້ອມດ້ວຍພາກສ່ວນທີ່ກ່ຽວຂ້ອງຈາກສູນກາງ ແລະ ທ້ອງຖິ່ນເຂົ້າຮ່ວມ 30 ຄົນ. ກອງປະຊຸມໄດ້ຮັບຟັງການຜ່ານແຜນຈາກວິຊາການບໍລິສັດ ເປັນຕົ້ນ ເຕັກນິກໃນການກໍ່ສ້າງ. ຜົນການສຶກສາ ການປະເມີນ ຜົນກະທົບຕໍ່ສິ່ງແວດລ້ອມ ຈາກນັ້ນແຕ່ລະພາກສ່ວນກໍ່ໄດ້ປະກອບຄຳຄິດຄຳເຫັນ ໃສ່ແຜນດຳເນີນງານ ຂອງບໍລິສັດໃຫ້ມີຄວາມສົມບູນ ໂດຍສະເພາະການແກ້ໄຂຜົນກະທົບ ຕໍ່ສິ່ງແວດລ້ອມ, ການຄຸ້ມຄອງສິ່ງແວດລ້ອມ, ການພັດທະນາສັງຄົມ, ການຕິດຕາມກວດກາ ແລະ ການມີສ່ວນຮ່ວມ ຂອງຊຸມຊົນໃນທ້ອງຖິ່ນ.

ພາຍຫລັງກອງປະຊຸມຄັ້ງນີ້ແລ້ວ ຈະນຳເອົາແຜນດັ່ງກ່າວ ສະເຫນີຕໍ່ກະຊວງພະລັງງານ ແລະ ບໍ່ແຮ່ ເມື່ອໄດ້ຮັບອະນຸມັດ, ຄາດວ່າຈະລົງທຶນກໍ່ ສ້າງໃນທ້າຍປີນີ້ຈະໃຫ້ສຳເລັດໃນປີ 2012 ແລະ ຈະຂາຍໃຫ້ ບໍລິສັດ ໄຟຟ້າລາວ.

(ໂດຍ: ວິລະພົນ ພົມມະສານ)
http://www.pasaxon.org.la/conten/28-6-10/news9.htm

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: