Home > ເຂື່ອນ > ລັດຖະບານ​ລາວ​ອະນຸຍາດ​ໃຫ້​ບໍລິສັດ MFCB ກໍ່ສ້າງ ​ເຂື່ອນ​ໄຟຟ້າ​ນ້ຳຕົກ​ດອນ​ສະ​ໂຮງ

ລັດຖະບານ​ລາວ​ອະນຸຍາດ​ໃຫ້​ບໍລິສັດ MFCB ກໍ່ສ້າງ ​ເຂື່ອນ​ໄຟຟ້າ​ນ້ຳຕົກ​ດອນ​ສະ​ໂຮງ

ໂຄງການກໍ່ສ້າງເຂື່ອນໄຟຟ້ານ້ຳຕົກ ດອນສະໂຮງ ຢູ່ເມືອງໂຂງ ແຂວງຈຳປາສັກ ເປັນໂຄງການເຂື່ອນໄຟຟ້າແບບບໍ່ມີອ່າງເກັບນ້ຳໃຫຍ່, ມີເຂື່ອນບໍ່ສູງ ແລະ ໂຮງຈັກໄຟຟ້າ ຕັ້ງຢູ່ຕອນລຸ່ມຂອງຮູສະໂຮງ ແລະ ມີຝາຍກັ້ນນ້ຳຍາວຢຽດໄປຕາມຮູສະໂຮງ 5 ກິໂລແມັດ, ເປັນໂຄງການ ທີ່ມີເຂື່ອນບໍ່ກັ້ນຫມົດສາຍແມ່ນ້ຳຂອງ ແຕ່ກັກກັ້ນພຽງງ່າດຽວຂອງສາຍນ້ຳຂອງ ຢູ່ເຂດເມືອງໂຂງ ແຂວງຈຳປາສັກພາກໃຕ້ ສປປ ລາວ. ໂຄງການຕັ້ງຢູ່ບໍ່ຫ່າງໄກຊາຍແດນລາວ-ກຳປູເຈຍ.

ຄຸນລັກສະນະໂຄງການນີ້ ເປັນເຂື່ອນບໍ່ມີອ່າງເກັບນ້ຳ, ເຮືອນຈັກເປັນອາຄານກໍ່ດ້ວຍຄອນກຣີດ, ຝາຍກັນນ້ຳແບບຫີນຖົມ ອັດແຫນ້ນ ເທດ້ວຍເບຕົງ, ກຳລັງຕິດຕັ້ງເຄື່ອງຈັກຜະລິດ 240MW, ກັງຫັນປະເພດປັ່ນ, ຈຳນວນເຄື່ອງຈັກ 4×60 MW, ພະລັງງານໄຟຟ້າຜະລິດ ໄດ້ສະເລ່ຍ 1.756 Gwh/ປີ, ລວງສູງນ້ຳຕົກ 17 ແມັດ ແລະ ລວມມູນຄ່າກໍ່ສ້າງ 600 ລ້ານໂດລາສະຫະລັດ.

ຜົນປະໂຫຍດທີ່ຈະໄດ້ຈາກໂຄງການນີ້ ແມ່ນການລົງທຶນໂດຍກົງຂອງຕ່າງປະເທດ ຕໍ່ ສປປ ລາວ, ສະຫນອງໄຟຟ້າ ໃຫ້ແຂວງພາກໃຕ້ ຊຶ່ງມີຄວາມຕ້ອງການນຳໃຊ້ໄຟຟ້າ ເພີ່ມຂຶ້ນ ແລະ ກໍ່ເປັນການຫຼຸດຜ່ອນ ການຊື້ໄຟຟ້າຈາກຕ່າງປະເທດ, ດຶງດູດການລົງທຶນ ສະຫນອງໄຟຟ້າຮັບໃຊ້ອຸດສາຫະກຳ ຂອງແຂວງພາກໃຕ້, ເປັນການສ້າງລາຍຮັບ ເງິນຕາຕ່າງປະເທດ ຈາກການສົ່ງຂາຍໄຟຟ້າ ສົ່ງອອກໃຫ້ປະເທດເພື່ອນບ້ານ (ໄທ ແລະ ກຳປູເຈຍ), ເປັນການສ້າງວຽກເຮັດງານທຳ ໃຫ້ແກ່ປະຊາຊົນໃນໄລຍະກໍ່ສ້າງໂຄງການ, ເປັນການປັບປຸງກໍ່ສ້າງໂຄງລ່າງຖະຫນົນ, ຂົວ ແລະ ສິ່ງອຳນວຍໃຫ້ຊຸມຊົນເປັນຕົ້ນໂຮງຮຽນ, ໂຮງຫມໍ ແລະ ສູນບໍລິການອື່ນໆ, ເປັນການສົ່ງເສີມຕໍ່ການບໍລິຫານຄຸ້ມຄອງປາ (ການອະນຸລັກປາ), ເປັນການສ້າງລາຍຮັບເພີ່ມເຕີມ ໃຫ້ລັດຖະບານລາວ ແລະ ທັງເປັນ ການສ້າງລາຍຮັບ ໃຫ້ລັດວິສາຫະກິດໄຟຟ້າດ້ວຍຜົນກຳໄລ ຂອງການແບ່ງປັນຮຸ້ນ. ໂຄງການນີ້ຈະເລີ່ມລົງມືກໍ່ສ້າງໃນຕົ້ນປີ 2011 ແລະ ຈະໃຫ້ສຳເລັດໃນທ້າຍປີ 2016 ເຊິ່ງ ແມ່ນ ບໍລິສັດ ເມກາເຟີດໂຄໂປເຣຊັນເບີຣາດ (MFCB) ຂອງມາເລເຊຍເປັນຜູ້ລົງທຶນໃນຈຳນວນ 600 ລ້ານໂດລາສະຫະລັດ ໂດຍລັດວິສາຫະກິດໄຟຟ້າລາວ ຖືຮຸ້ນ 20% ພິທີເຊັນສັນຍາໄດ້ຈັດຂຶ້ນໃນວັນທີ 3 ມິຖຸນາ 2010 ທີ່ນະຄອນຫລວງວຽງຈັນລະຫວ່າງ ທ່ານ ຄຳມະນີ ອິນທິລາດ ຜູ້ອຳນວຍການໃຫຍ່ລັດວິສາຫະກິດໄຟຟ້າລາວ-ທ່ານ ໂກນານ ກຽວ ປະທານບໍລິສັດ ເມກາ ເຟີດໂຄໂປເຣຊັນ ເບີຣາດມາ ເລເຊຍ ເຊິ່ງມີພະນັກງານກ່ຽວຂ້ອງທັງສອງຝ່າຍ ເຂົ້າຮ່ວມ.

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: