Home > ເຂື່ອນ > ເຊັນ​ສັນຍາ​ຊື້ – ຂາຍ​ໄຟຟ້າ​ລະຫວ່າງ​ລາວ – ​ໄທ

ເຊັນ​ສັນຍາ​ຊື້ – ຂາຍ​ໄຟຟ້າ​ລະຫວ່າງ​ລາວ – ​ໄທ

ບໍລິສັດ ໄຟຟ້າຫົງສາ ຈຳກັດໄດ້ເຊັນສັນຍາຊື້ – ຂາຍໄຟຟ້າ ກັບການໄຟຟ້າຝ່າຍຜະລິດແຫ່ງປະເທດໄທ ໂດຍສືບຕໍ່ຈາກບົດບັນທຶກຄວາມເຂົ້າໃຈ ກ່ຽວກັບລາຄາໄຟຟ້າທີ່ໄດ້ລົງ ນາມແຕ່ວັນທີ 13 ພຶດສະພາ 2009 ລະຫວ່າງ EGAT ແລະ ຜູ້ພັດທະນາໂຄງການ ບໍລິສັດ ບ້ານປູພາວເວີ ຈຳກັດ ແລະ ບໍລິສັດ ໄຟຟ້າຣາຊະບູລີໂຮນດິ່ງມະຫາຊົນ ຈຳກັດ ເຊິ່ງເປັນການດຳເນີນການຕາມນະໂຍບາຍ ຂອງສອງລັດຖະບານ ສປ ປ ລາວ ແລະ ຣາຊະອານາຈັກໄທ ໃນການຮ່ວມມື ດ້ານພະລັງງານໃນພາກພື້ນ ເຊິ່ງຈະເຮັດໃຫ້ປະຊາຊົນທັງສອງຊາດ ໄດ້ຮັບຜົນປະໂຫຍດນຳກັນໂດຍ ມີ EGAT ຈະເປັນຜູ້ຮັບຊື້ໄຟຟ້າຈາກໂຄງການດັ່ງກ່າວຈຳນວນ 1.473 ເມກາວັດ ໃນລາຄາຮັບຊື້ສະເລ່ຍ 2.275 ບາດ (ສະກຸນເງິນໄທ) ຕໍ່ກິໂລວັດໂມງເຊິ່ງມີອະນຸສັນຍາ 25 ປີ ແລະ ຈະເລີ່ມຂາຍໄຟຟ້າເຂົ້າ ສູ່ລະບົບໃນປີ 2015.

ໂຄງການໄຟຟ້າຄວາມຮ້ອນຫົງສາ ເປັນໂຄງການຫນຶ່ງ ທີ່ຜະລິດໄຟຟ້າ ຈາກພະລັງງານຄວາມຮ້ອນຂອງຖ່ານຫີນ (ລິກໄນ) ບໍລິສັດ ໄຟຟ້າຫົງສາປະກອບມີ 321 ຮຸ້ນຄື: ບໍລິສັດ ບ້ານປູພາວເວີ ຈຳກັດຖືຮຸ້ນ 40%, ບໍລິສັດ ໄຟຟ້າຣາຊະບູລີໂຮນດິງມະຫາຊົນ ຈຳກັດ 40% ແລະລັດວິສາຫະກິດຖືຮຸ້ນລາວຖືຮຸ້ນ 20%, ນອກຈາກນີ້ ຍັງໄດ້ຮ່ວມກັນລົງທຶນ ໃນບໍລິສັດພູໄຟມາຍນິງ ໂດຍມີບໍລິສັດບ້ານປູພາວເວີ ຈຳກັດ ແລະ ບໍລິສັດ ໄຟຟ້າຣາຊະບູຣີໂຮນດິງມະຫາຊົນຈຳກັດ ຖືຮຸ້ນ 37,5%, ສ່ວນລັດວິສາຫະກິດຖືຮຸ້ນລາວຖືຮຸ້ນ 25%, ໃນປະຈຸບັນບໍລິສັດໄຟຟ້າຫົງສາ ກຳລັງເຈລະຈາເນື້ອໃນສັນຍາຊື້ – ຂາຍໄຟຟ້າ ກັບລັດວິສາຫະກິດໄຟຟ້າລາວ, ເພື່ອຂະຫຍາຍໄຟຟ້າປະມານ 100-175 ເມກາວັດ ໂດຍມີອາຍຸສັນຍາ 25 ປີ.

ໂຮງງານໄຟຟ້າຫົງສາ ປະກອບດ້ວຍເຄື່ອງປັ່ນໄຟຟ້າຈຳນວນ 3 ຫນ່ວຍ ເຊິ່ງມີກຳລັງຕິດຕັ້ງລວມທັງຫມົດ 1.878 ເມກາວັດ ສາມາດຜະລິດໄຟຟ້າທັງຫມົດ 1.653 ເມກາວັດ ແລະ ຄາດວ່າວັນຊື້-ຂາຍທາງການນັ້ນ ຈະເລີ່ມໃນປີ 2015, ບໍລິສັດໄຟຟ້າຫົງສາ ຈະເປັນຜູ້ຮັບຜິດຊອບໃນການກໍ່ສ້າງ ພ້ອມທັງຄຸ້ມຄອງການຜະລິດ, ບຳລຸງຮັກສາໂຄງໄຟຟ້າ ແລະ ລະບົບສາຍສົ່ງໄຟຟ້າ ເຊິ່ງມີຄວາມຍາວປະມານ 67 ກິໂລແມັດໃນເບື້ອງປະເທດລາວ ແລະ ສ່ວນ EGAT ຈະຮັບຜິດຊອບການກໍ່ສ້າງ ພ້ອມທັງຄຸ້ມຄອງການໃຊ້ງານລະບົບສາຍ ສົ່ງໄຟຟ້າເຊິ່ງມີຄວາມຍາວປະມານ 250 ກິໂລແມັດໃນເບື້ອງປະເທດໄທ.

ບໍລິສັດ ໄຟຟ້າຫົງສາ ໄດ້ຮັບສຳປະທານໃນການພັດທະນາໂຄງການ ຕາມທີ່ໄດ້ສັນຍາສຳປະທານ ກັບລັດຖະບານລາວໃນວັນທີ 30 ພະຈິກ 2009 ທີ່ຜ່ານມາ ແລະ ຈະເລີ່ມກໍ່ສ້າງໂຮງໄຟຟ້າໃນທ້າຍປີ 2010.

ພິທີເຊັນສັນຍາຄັ້ງນີ້ ໄດ້ຈັດຂຶ້ນໃນວັນທີ 2 ເມສາ 2010 ທີ່ນະຄອນຫລວງວຽງຈັນ, ຜູ້ເຊັນໃນຄັ້ງນີ້ທ່ານ ນົບພົນ ມີລິນທາງກຸນ ປະທານ ບໍລິສັດ ໄຟຟ້າຫົງສາ ຈຳກັດ ແລະ ທ່ານ ສຸທັດ ປັດທະມະລີລິວັດ ຜູ້ວ່າການ, ການໄຟຟ້າຝ່າຍຜະລິດແຫ່ງປະເທດໄທ. ໂດຍມີບັນດາລັດຖະມົນຕີຊ່ວຍວ່າການ ແລະ ເອກອັກຄະລັດຖະທູດ ແລະ ແຂກຖືກເຊີນເຂົ້າຮ່ວມເປັນສັກຂີພິຍານ ຢ່າງຫລວງຫລາຍ.

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: