Home > ເຂື່ອນ > ລັດຖະບານຖືຫຸ້ນໂຄງການໄຟຟ້າ 5.000 ຕື້ກ່ວາກີບ

ລັດຖະບານຖືຫຸ້ນໂຄງການໄຟຟ້າ 5.000 ຕື້ກ່ວາກີບ

ໄລຍະ 5 ປີຜ່ານມາທີ່ໄດ້ຕາງໜ້າໃຫ້ແກ່ລັດຖະບານ ສປປ ລາວ ໃນການຖືຫຸ້ນ ແລະ ບໍລິຫານຄຸ້ມຄອງຫຸ້ນຂອງລັດຖະບານ ໃນໂຄງການຜະລິດໄຟ ຟ້າເພື່ອສົ່ງອອກ ມາຮອດປະຈຸບັນລັດຖະບານ ໄດ້ມອບໝາຍໃຫ້ລັດວິສາຫະກິດຖືຫຸ້ນລາວ (ລຮລ) ເຂົ້າຮ່ວມຖືຫຸ້ນເຖິງ 9 ໂຄງການ ທີ່ມີກຳລັງຕິດຕັ້ງ 5.300 ເມກາວັດ ພະລັງງານທີ່ຜະລິດໄດ້ທັງໝົດ 29.785 ລ້ານກິໂລວັດໂມງ ສ່ວນມູນຄ່າການລົງທຶນປະມານ 9.871 ຕື້ໂດລາ ໃນນັ້ນມີເງິນກູ້ຢືມ 7.121 ຕື້ໂດລາ ຫຸ້ນຕ່າງປະເທດ 2.100 ຕື້ໂດລາ ທຶນຫຸ້ນຂອງລັດຖະບານ (ລຮລ) ແມ່ນປະມານ 650 ລ້ານໂດລາ ຫຼື ປະມານ 5.252 ຕື້ກີບ.

ທ່ານ ດຣ.ສົມບູນ ມະໂນລົມ ຜູ້ອຳນວຍການລັດວິສາຫະກິດຖືຫຸ້ນລາວ ໄດ້ກ່າວໃນພິທີສະຫຼຸບການຈັດຕັ້ງປະຕິບັດວຽກງານຂອງ ລຮລ ປະຈຳປີ 2009 ເຊິ່ງທ່ານໄດ້ກ່າວວ່າ: ນັບແຕ່ ລຮລ ໄດ້ຮັບການສ້າງຕັ້ງມາ (23 ກຸມພາ 2005) ມາເຖິງປັດຈຸບັນແມ່ນໄດ້ 5 ປີ ໂດຍພາລະບົດບາດໜ້າທີ່ເປັນຜູ້ຕາງ ໜ້າໃຫ້ລັດຖະບານລາວ ໃນການຖືຫຸ້ນ ແລະ ບໍລິການຄຸ້ມຄອງຫຸ້ນຂອງລັດຖະບານ ໃນໂຄງການຜະລິດໄຟຟ້າເພື່ອການສົ່ງອອກ ມາຮອດປັດຈຸບັນລັດ ຖະບານໄດ້ອະນຸຍາດໃຫ້ເຂົ້າຮ່ວມຖືຫຸ້ນໃນ 9 ໂຄງການ ປະກອບມີ: ໂຄງການໄຟຟ້ານ້ຳຕົກນ້ຳເທີນ 2 ໂຄງການໄຟຟ້າຄວາມຮ້ອນຮົງສາ ໂຄງການ ໄຟຟ້ານ້ຳງື່ມ 3 ໂຄງການໄຟຟ້ານ້ຳຕົກນ້ຳເທີນ 1 ໂຄງການໄຟຟ້ານ້ຳຕົກນ້ຳງຽບ 1 ໂຄງການໄຟຟ້ານ້ຳຕົກເຊກອງ 4 ໂຄງການໄຟຟ້ານ້ຳຕົກເຊກອງ 5 ໂຄງການໄຟຟ້ານ້ຳຕົກນ້ຳກົງ 1 ແລະ ໂຄງການໄຟຟ້ານ້ຳຕົກເຊປຽນ-ເຊນ້ຳນ້ອຍ ລວມກຳລັງຕິດຕັ້ງທັງໝົດຂອງປະມານ 5.300 ເມກາວັດ ແລະ ພະລັງງານທີ່ຜະລິດໄດ້ທັງໝົດປະມານ 29.758 ກິໂລວັດໂມງ ມູນຄ່າການລົງທຶນທັງໝົດປະມານ 9.871 ຕື້ໂດລາ.

ສຳລັບແຜນການປີ 2010 ເຫັນໄດ້ວ່າ ຕ້ອງສຸມໃສ່ຄຸ້ມຄອງບໍລິຫານເງິນປັນຜົນຈາກໂຄງການໄຟຟ້ານ້ຳເທີນ 2 ຈະມີລາຍຮັບນັບແຕ່ປີ 2010 ເປັນຕົ້ນ ໄປສົມທົບກັບບັນດາຂາຫຸ້ນຕ່າງປະເທດ ແລະ ພາກສ່ວນມະຫາພາກ ເພື່ອກະກຽມຈັດພິທີສະຫຼອງຜົນສຳເລັດໃນການກໍ່ສ້າງໂຄງການນ້ຳເທີນ 2 ຢ່າງ ເປັນທາງການໃນທ້າຍປີ 2010 ຕັ້ງໜ້າສຸມໃສ່ການຈັດຕັ້ງປະຕິບັດວຽກງານໂຄງການໄຟຟ້າຄວາມຮ້ອນຫົງສາ ແລະ ໂຄງການໄຟຟ້ານ້ຳງື່ມ 3 ເຊິ່ງ ເປັນໂຄງການທີ່ໄດ້ລະບຸຂໍ້ຕົກລົງດ້ານລາຄາກັບ EGAT ແລະ ຍັງຈະສືບຕໍ່ສູ້ຊົນເຈລະຈາສັນຍາຜູ້ຖືຫຸ້ນກັບບັນດາຂາຫຸ້ນຕ່າງປະເທດ ໃນໂຄງການທີ່ຍັງ ບໍ່ທັນໃດ້ເຊັນສັນຍາດັ່ງກ່າວ ໃຫ້ມີຄວາມຄືບໜ້າຂຶ້ນອີກລະດັບໜຶ່ງ.

ກອງປະຊຸມຄັ້ງນີ້ໄດ້ຈັດຂຶ້ນໃນວັນທີ 1 ເມສາ 2010 ໂດຍການເຂົ້າຮ່ວມຂອງທ່ານ ສຸລິວົງ ດາລາວົງ ລັດຖະມົນຕີວ່າການກະຊວງພະລັງງານ-ບໍ່ແຮ່ ເຊິ່ງມີບັນດາພາກສ່ວນຕ່າງທີ່ກ່ຽວຂອງເຂົ້າຮ່ວມ

http://www.vientianemai.net/news.php?col=1&id=1181

ໝວດໝູ່:ເຂື່ອນ Tags:
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: