Home > Uncategorized > HPC ຈະສະໜອງໄຟຟ້າໃຫ້ EGAT ໃນປີ 2015

HPC ຈະສະໜອງໄຟຟ້າໃຫ້ EGAT ໃນປີ 2015

ການໄຟຟ້າຜະລິດແຫ່ງປະເທດໄທ (EGAT) ຈະເປັນຜູ້ຮັບຊື້ໄຟຟ້າ ຈາກບໍລິສັດໄຟຟ້າຫົງສາຈຳກັດ (HPC) ໃນໂຄງການໄຟຟ້າຄວາມຮ້ອນ ຫົງສາ ຈຳນວນ 1.473 ເມກາວັດ (MW) ໃນລາຄາສະເລ່ຍ ປະມານ 609.700 ກີບຕໍ່ກິໂລວັດໂມງ ໂດຍມີອາຍຸສັນຍາ 25 ປີ ເຊິ່ງການຂາຍໄຟຟ້າ ເຂົ້າສູ່ລະບົບແມ່ນ ໃນປີ 2015 ແລະ ພ້ອມທີ່ຈະຂາຍໃຫ້ ລັດວິສາຫະກິດໄຟຟ້າລາວ ປະມານ 100-175 ເມກາວັດ.
ໂຄງການໄຟຟ້າຄວາມຮ້ອນ ຫົງສາ ເປັນໂຄງການຜະລິດໄຟຟ້າ ຈາກພະລັງງານຄວາມຮ້ອນ ຂອງຖ່ານຫີນ (ລິກໄນ໋) ຕັ້ງຢູ່ເມືອງຫົງສາ ແຂວງໄຊຍະບູລີ ເຊິ່ງຫ່າງຈາກຊາຍແດນ ຕິດກັບແຂວງນານ (ປະເທດໄທ) ປະມານ 35 ກິໂລແມັດ ໂຄງການດັ່ງກ່າວ ປະກອບມີ 3 ຂາຮຸ້ນ ຄືບໍລິສັດ ບ້ານປູພາວເວີ ຈຳກັດ ແລະ ບໍລິສັດໄຟຟ້າ ຣາຊະບູລີໂຮນດິງ ມະຫາຊົນ ຈຳກັດ ຖືຮຸ້ນບໍລິສັດລະ 40% ສ່ວນລັດວິສາຫະກິດຖືຮຸ້ນລາວ ແມ່ນຖືຮຸ້ນ 20% ເປັນໂຄງການທີ່ປະກອບດ້ວຍ ເຄື່ອງປັ່ນໄຟ 3 ໜ່ວຍ ເຊິ່ງມີກຳລັງຕິດຕັ້ງ ລວມທັງໝົດ 1.878 ເມກາວັດ ສາມາດຜະລິດໄຟຟ້າສຸດທິ ໄດ້ 1.653 ເມກາວັດ ສັນຍາຊື້-ຂາຍຢ່າງເປັນທາງການ ແມ່ນໃນປີ 2015 ໂດຍທາງບໍລິສັດໄຟຟ້າຫົງສາ ຈະເປັນຜູ້ຮັບຜິດຊອບໃນການກໍ່ສ້າງ ພ້ອມທັງຄຸ້ມຄອງການຜະລິດŒບຳລຸງຮັກສາ ໂຮງໄຟຟ້າ ແລະ ລະບົບສາຍສົ່ງ ທີ່ມີຄວາມຍາວປະມານ 67 ກິໂລແມັດ (ໃນເບື້ອງລາວ) ສ່ວນການຜະລິດໄຟຟ້າ ແຫ່ງປະເທດໄທ ຈະຮັບຜິດຊອບໃນການກໍ່ສ້າງ ພ້ອມທັງຄຸ້ມຄອງການໃຊ້ງານ ບຳລຸງຮັກສາ ລະບົບສາຍສົ່ງ ທີ່ມີຄວາມຍາວ ປະມານ 250 ກີໂລແມັດ (ໃນເບື້ອງປະເທດໄທ).
ນອກນັ້ນ ບໍລິສັດໄຟຟ້າຫົງສາ ກຳລັງເຈລະຈາ ເນື້ອໃນສັນຍາຊື້-ຂາຍໄຟຟ້າ ກັບລັດວິສາຫະກິດໄຟຟ້າລາວ (EDL) ເພື່ອຈະຂາຍໄຟຟ້າ ປະມານ 100-175 ເມກາວັດ ໂດຍມີອາຍຸສັນຍາ 25 ປີ ເຊັ່ນດຽວກັນ ຄາດວ່າ 293 ເດືອນ ຈະສາມາດເຊັນສັນຍາກັນໄດ້.
ພິທີເຊັນສັນຍາຊື້-ຂາຍໄຟຟ້າ ໂຄງການດັ່ງກ່າວ ໄດ້ຈັດຂື້ນທີ່ໂຮງແຮມລາວພລາຊາ ໃນວັນທີ 2 ເມສາ 2010 ຜ່ານມາ ຝ່າຍຮັບຊື້ແມ່ນທ່ານ ສຸທັດ ພັດມາສິຣິວັດ ຜູ້ວ່າການການໄຟຟ້າຝ່າຍຜະລິດ ແຫ່ງປະເທດໄທ ແລະ ຕາງໜ້າຝ່າຍຂາຍແມ່ນທ່ານ ນົບພົນ ມີລິນທັງກູນ ຜູ້ອຳນວຍການ ບໍລິສັດໄຟຟ້າ ຣາຊະບູລີໂຮນດິງ ມະຫາຊົນ ຈຳກັດ ເຊິ່ງມີທ່ານ ສົມບູນ ລາຊາສົມບັດ ລັດຖະມົນຕີຊ່ວຍວ່າການ ກະຊວງພະລັງງານ-ບໍ່ແຮ່ ທ່ານ ທອງມີ ພົມວິໄຊ ລັດຖະມົນຕີວ່າການ ກະຊວງແຜນການ-ການລົງທຶນ ພ້ອມພາກສ່ວນກ່ຽວຂ້ອງ ຮ່ວມເປັນສັກຂີພິຍານ
http://www.vientianemai.net/news.php?col=1&id=1197

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: