Home > ຂ່າວໄຟຟ້າ > ຟຟລ ຖອກພັນທະເຂົ້າງົບປະມານ 368,41 ຕື້ກີບ

ຟຟລ ຖອກພັນທະເຂົ້າງົບປະມານ 368,41 ຕື້ກີບ

ລັດວິສາຫະກິດໄຟຟ້າລາວ ປັດຈຸບັນໄດ້ແບ່ງເປັນ 6 ຝ່າຍ ມີ 22 ສາຂາ 83 ສູນບໍລິການ 9 ເຂື່ອນໄຟຟ້າທີ່ຄຸ້ມຄອງໂດຍ ຟຟລ ແລະ ໄດ້ເຂົ້າຮ່ວມ ຫຸ້ນກັບ IPP ທີ່ຜະລິດໄຟຟ້າ 2 ເຂື່ອນຄື: THPC ແລະ HHPC ແລະ ໄດ້ເຂົ້າຫຸ້ນກັບ IPP ທີ່ກຳລັງກໍ່ສ້າງ 4 ໂຄງການຄື: ນ້ຳລີກ 1-2 ນ້ຳງື່ມ 5 ນ້ຳງື່ມ 2 ແລະ ເຊຂະໜານ 3.

ອີງໃສ່ເງື່ອນໄຂເອື້ອອຳນວຍໃຫ້ປີ 2009 ຜ່ານມາ ສາມາດຜະລິດໄຟຟ້າໄດ້ທັງໝົດລວມທັງ IPP ທີ່ ຟຟລ ຖືຫຸ້ນ 3.799,45 ລ້ານກິໂລວັດໂມງ ໃນນີ້ ເປັນຂອງ ຟຟລ 1.655,91 ລ້ານກິໂລວັດໂມງ ພະລັງງານຊື້ທັງໝົດ 1.220,81 ລ້ານກິໂລວັດໂມງ ເປັນເງິນ 70,13 ລ້ານໂດລາ ພະລັງງານຂາຍ ອອກຕ່າງປະເທດທັງໝົດ 1.903,38 ລ້ານກິໂລວັດໂມງ ເປັນເງິນ 54,53 ລ້ານໂດລາ ແລະ 1.181,79 ລ້ານບາດ ໃນນີ້ເປັນຂອງ ຟຟລ 229,53 ລ້ານກິໂລວັດໂມງ ເປັນເງິນ 8,35 ລ້ານໂດລາ ແຜນການສຳລັບພະລັງງານຂາຍພາຍໃນແມ່ນ 1.902,29 ລ້ານກິໂລວັດໂມງ ເປັນເງິນ 1.039,21 ຕື້ກີບ ໂຄງການກໍ່ສ້າງເຂື່ອນທີ່ປະຕິບັດປີ 2009 ມີ 2 ໂຄງການຂອງ ຟຟລ ແລະ ອີກ 6 ໂຄງການທີ່ ຟຟລ ເຂົ້າຫຸ້ນກັບ IPP ນອກນີ້ຍັງມີໂຄງການ ກໍ່ສ້າງພື້ນຖານສາຍສົ່ງ ແລະ ສະຖານີໄຟຟ້າ 12 ໂຄງການ ມູນຄ່າ 525,62 ລ້ານໂດລາ ຜ່ານການປະຕິບັດສາມາດສ້າງລາຍຮັບທັງໝົດ 1.828,90 ຕື້ກີບ ລາຍຈ່າຍ 1.576,08 ຕື້ກີບ ໄດ້ຖອກພັນທະເຂົ້າງົບປະມານອາກອນຕ່າງໆ ແລະ ດອກເບ້ຍທັງໝົດ 368,41 ຕື້ກີບ.

ຈາກຜົນງານການເຄື່ອນໄຫວດັ່ງກ່າວ ຟຟລ ຈຶ່ງໄດ້ຍ້ອງຍໍຜູ້ທີ່ມີຜົນງານດີເດັ່ນທັງໝົດ 2.961 ທ່ານ ໃນນີ້ປະເພດ 1 ມີ 2.414 ທ່ານ ປະເພດ 2 ມີ 482 ທ່ານ ປະເພດ 3 ມີ 65 ທ່ານ ຍ້ອງຍໍຕ້ານໄພນ້ຳຖ້ວມປີ 2008 ມີຫຼຽນໄຊແຮງງານຊັ້ນ 3 ມີ 109 ທ່ານ ຫຼຽນກາແຮງງານ 109 ທ່ານ ໃບ ຍ້ອງຍໍຂັ້ນລັດຖະບານ 149 ທ່ານ ຍ້ອງຍໍຂັ້ນນະຄອນຫຼວງ 92 ທ່ານ ຍ້ອງຍໍດ້ານການຕອບສະໜອງໄຟຟ້າໃຫ້ງານມະຫະກຳຊີເກມ ຄັ້ງທີ 25 ປະ ເພດລວມໝູ່ມີຫຼຽນໄຊແຮງງານຊັ້ນ 1 ໃຫ້ ຟຟລ ຫຼຽນໄຊແຮງງານຊັ້ນ 3 ໄຟຟ້ານະຄອນຫຼວງ ປະເພດບຸກຄົນມີຫຼຽນໄຊແຮງງານຊັ້ນ 1 ມີ 44 ທ່ານ ຫຼຽນໄຊແຮງງານຊັ້ນ 2 ມີ 118 ທ່ານ ຫຼຽນໄຊແຮງງານຊັ້ນ 3 ມີ 207 ທ່ານ ຫຼຽນກາແຮງງານ 230 ທ່ານ ແລະ ໃບຍ້ອງຍໍລັດຖະບານ 137 ທ່ານ.

ສຳລັບແຜນການປີ 2010 ຟຟລ ຈະສືບຕໍ່ເອົາໃຈໃສ່ການຜະລິດຈຳໜ່າຍຄຸ້ມຄອງ ແລະ ບໍລິຫານໂຄງການຕ່າງໆໃຫ້ມີປະສິດທິຜົນສູງສຸດ ພິທີສະຫຼຸບ ຜົນງານປີ 2009 ຂອງ ຟຟລ ໄດ້ມີຂຶ້ນວັນທີ 19 ກຸມພາ 2010 ທີ່ໂຮງແຮມດອນຈັນພາເລດ ໂດຍເປັນປະທານຂອງທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ປະຈຳການລັດຖະບານ ເຊິ່ງມີປະທານຄະນະປັບປຸງທຸລະກິດແຫ່ງຊາດ ບັນດາລັດຖະມົນຕີກະຊວງກ່ຽວຂ້ອງ ພ້ອມດ້ວຍພະ ນັກງານອ້ອມຂ້າງ ຟຟລ ເຂົ້າຮ່ວມ.

http://www.vientianemai.net/news.php?col=1&id=994

ໝວດໝູ່:ຂ່າວໄຟຟ້າ Tags:
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: