Home > ໄຟຟ້າສູ່ຊົນນະບົດ > 23 ບ້ານ ເມືອງໝອກ ຈະໄດ້ຊົມໃຊ້ໄຟຟ້າ

23 ບ້ານ ເມືອງໝອກ ຈະໄດ້ຊົມໃຊ້ໄຟຟ້າ

ພະນົມສິນ

ປະຊາຊົນ 23 ບ້ານຂອງເມືອງໝອກ ແຂວງຊຽງຂວາງ ຈະໄດ້ຊົມໃຊ້ໄຟຟ້າໃນຕົ້ນປີໜ້າ ເມື່ອທາງລັດວິສາຫະກິດໄຟຟ້າລາວ ໄດ້ໃຫ້ລັດວິສາຫະກິດກໍ່ ສ້າງ ແລະ ຕິດຕັ້ງໄຟຟ້າ ເປັນຜູ້ສະໜອງເສົາ ແລະ ຄອນສາຍ ທີ່ມີມູນຄ່າເຖິງ 514.720,06 ໂດລາ.

ພິທີເຊັນສັນຍາຊື້-ຂາຍເສົາ ແລະ ຄອນສາຍ ໂຄງການຂະຫຍາຍຕາຂ່າຍໄຟຟ້າພາກເໜືອ NARPD ລະຫວ່າງທ່ານ ຄຳມະນີ ອິນທິລາດ ຜູ້ອຳນວຍ ການໃຫຍ່ລັດວິສາຫະກິດໄຟຟ້າລາວ ແລະ ທ່ານ ອຳພອນ ພົມມະຈັນ ຜູ້ອຳນວຍການໃຫຍ່ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າ ໂຄງການດັ່ງ ກ່າວແມ່ນປະກອບມີຕາຂ່າຍແຮງກາງ 98 ກິໂລແມັດ ແຮງຕ່ຳ 46 ກິໂລແມັດ ແລະ ໝໍ້ແປງ 23 ໜ່ວຍ ສຳລັບລັດວິສາຫະກິດກໍ່ສ້າງ ແລະ ຕິດຕັ້ງ ໄຟຟ້າ ແມ່ນເປັນຜູ້ສະໜອງເສົາ ແລະ ຄອນສາຍ ເຊິ່ງປະກອບມີເສົາ 12 ແມັດ 1.682 ຕົ້ນ 8 ແມັດ 1.542 ຕົ້ນ ແລະ ຄອນສາຍ ມີ 2.863 ອັນ ລວມມູນຄ່າ 514.720,06 ໂດລາ ເຊິ່ງເປັນເງິນກູ້ຢືມຈາກທະນາຄານພັດທະນາອາຊີ ADB Loan No.2005-LAO (SF) ສຳລັບກຳນົດການຈັດສົ່ງ ແມ່ນຢູ່ໃນໄລຍະ 3 ເດືອນ.

ທ່ານ ຄຳມະນີ ອິນທິລາດ ກ່າວໃນພິທີວ່າ: ເນື່ອງຈາກເມືອງໝອກ ເປັນເມືອງຫ່າງໄກຈາກເທດສະບານແຂວງ ເຮັດໃຫ້ໃນໄລຍະຜ່ານມາປະຊາຊົນບໍ່ ມີໄຟຟ້າຊົມໃຊ້ ຊີວິດການເປັນຢູ່ພົບຄວາມຫຍຸ້ງຍາກຫຼາຍພໍສົມຄວນ ເຊິ່ງພາຍຫຼັງການເຊັນສັນຍາສະບັບນີ້ ຈະເລີ່ມຈັດຕັ້ງປະຕິບັດໃຫ້ສຳເລັດໃນເດືອນ ເມສາ 2010 ຢ່າງແນ່ນອນ.

ພິທີດັ່ງກ່າວໄດ້ຈັດຂຶ້ນທີ່ລັດວິສາຫະກິດໄຟຟ້າລາວ ໃນວັນທີ 10 ພະຈິກ 2009 ໂດຍມີພະນັກງານທັງສອງຝ່າຍເຂົ້າຮ່ວມຢ່າງພ້ອມພຽງ.

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: