Archive

Posts Tagged ‘ແຂວງວຽງຈັນ’

ໂຄງການຂະຫຍາຍເຂື່ອນໄຟຟ້ານ້ຳງື່ມ I ຈະນຳໃຊ້ທຶນມູນຄ່າ 70,4 ລ້ານກວ່າໂດລາ

http://www.vientianemai.net/images/500/20130624142714.jpg

ໃນ​ວັນ​ທີ 21 ມິຖຸນາ 2013 ນີ້ ຢູ່​ທີ່​ກະຊວງ​ການ​ເງິນ  ໄດ້​ມີ​ພິທີ​ເຊັນ​ສັນຍາ​ກູ້​ຢືມ​ເງິນ ລະຫວ່າງ​ລັດຖະບານ​ແຫ່ງ ​ສປປ ລາວ  ແລະ ອົງການ​ຮ່ວມ​ມື​ສາກົນ​ຍີ່ປຸ່ນ ສຳລັບ​ໂຄງການ​ຂະຫຍາຍ​ເຂື່ອນ​ໄຟຟ້າ​ນ້ຳ​ງື່ມ I .

ການ​ລົງ​ນາມ​ຄັ້ງ​ນີ້ ຕາງໜ້າ​ໃຫ້​ແກ່​ລັດຖະບານ​ລາວ ແມ່ນ​ທ່ານ ສັນຕິພາບ ພົມວິຫານ  ລັດຖະມົນຕີ​ຊ່ວຍ​ວ່າການ ກະຊວງ​ການ​ເງິນ ແລະ ຕາງໜ້າ​ອົງການ​ຮ່ວມ​ມື​ຍີ່ປຸ່ນ​ແມ່ນ​ທ່ານ ໂກ​ອິ​ຈິ ທາ​ເກະ​ອິ ຫົວໜ້າ​ອົງການ​ໄຈ​ກາ ປະຈຳ​ລາວ ໂດຍ​ມີ​ພາກສ່ວນ​ທີ່​ກ່ຽວຂ້ອງ​ທັງ​ສອງ​ພາກສ່ວນ​ເຂົ້າ​ຮ່ວມ.

ໂຄງການ​ຂະຫຍາຍ​ເຂື່ອນ​ໄຟຟ້າ​ນ້ຳ​ງື່ມ I ດັ່ງກ່າວ ມີ​ໄລຍະ​ການຈັດຕັ້ງ​ປະຕິບັດ 5 ປີ ນັບ​ແຕ່​ປີ 2013Œ2018 ເຊິ່ງ​ຈຸດປະສົງ​ຂອງ​ໂຄງການ ແມ່ນ​ເພື່ອ​ຂະຫຍາຍ​ກຳລັງ​ການ​ຜະລິດ​ໄຟຟ້າ​ໃຫ້​ໄດ້ 40 ເມ​ກາ​ວັດ ແນໃສ່​ເພື່ອ​ຕອບ​ສະໜອງ​ຄວາມ​ຕ້ອງການ​ຊົມໃຊ້​ໄຟຟ້າ​ຂອງ​ສັງຄົມ ທີ່​ນັບ​ມື້​ນັບ​ເພີ່ມ​ຂຶ້ນ ໂດຍ​ສະເພາະ​ແມ່ນ​ໃນ​ລະດູແລ້ງ​ໃຫ້​ພຽງພໍ ເຊິ່ງ​ປັດຈຸບັນ ເຂື່ອນ​ດັ່ງກ່າວ​ມີ​ກຳລັງ​ການ​ຜະລິດ 155 ເມ​ກາ​ວັດ ແລ່ນ​ດ້ວຍ 5 ເຄື່ອງ​ຈັກ​ມີ​ກຳລັງ​ການ​ຜະລິດ​ປະມານ 1.025 ກິ​ໂລ​ວັດ​ໂມງ​ຕໍ່​ປີ.

ໃນ​ການ​ຂະຫຍາຍ​ເຂື່ອນ​ໄຟຟ້າ​ດັ່ງກ່າວ​ມີ​ມູນ​ຄ່າ: 5.545 ລ້ານ​ເຢັນ ສະກຸນ​ເງິນ​ຍີ່ປຸ່ນ ຫຼື ປະມານ 70,4 ລ້ານ​ກວ່າ​ໂດ​ລາ​ສະຫະລັດ.

ທີ່ມາ http://www.vientianemai.net/teen/khao/1/9662

ລັດຖະບານວາງງົບຕິດຕັ້ງໄຟຟ້າໃຫ້ສອງບ້ານ

­ທີເປີດການໃຊ້ໄຟ­ຟ້າແຮງກາງ 22ກິໂລວັດ ແຮງຕ່ຳ 0,4ກິໂລວັດ ຢ່າງເປັນທາງການ ໄດ້ຈັດຂຶ້ນໃນວັນທີ 10ພຶດ­ສະ­ພາ 2012ທີ່ບ້ານໜອງສານ ເມືອງກາ­ສີ ແຂວງວຽງຈັນ ໂດຍການເປັນປະ­ທານຂອງທ່ານ ຄຳເມິງ ພົງທະດີ ເຈົ້າ­ແຂວງວຽງຈັນ ທ່ານ ພົນຈັດ­ຕະ­ວາ ບົວສ້ຽງ ຈຳ­ປາພັນ ຮອງຫົວ­ໜ້າກົມໃຫຍ່ ເສ­ນາທິການກອງ­ທັບປະ­ຊາ­ຊົນລາວ ມີຜູ້­ຕາງ­ໜ້າຈາກລັດວິສາຫະກິດກໍ່­ສ້າງ ແລະ ຕິດຕັ້ງໄຟ­ຟ້າ ພ້ອມດ້ວຍພະ­ນັກ­ງານຫຼັກແຫຼ່ງຂອງແຂວງ ແລະ ກຸ່ມບ້ານ ພ້ອມພໍ່ແມ່ປະ­ຊາ­ຊົນ 2ບ້ານເຂົ້າຮ່ວມ.

ໂຄງ­ການກໍ່­ສ້າງ ແລະ ຕິດຕັ້ງໄຟ­ຟ້ານີ້ ແມ່ນໂຄງ­ການໜຶ່ງຂອງລັດ­ຖະ­ບານ ສປປ ລາວ ໄດ້ລົງ­ທຶນກໍ່­ສ້າງ ໂດຍໃຊ້ງົບ­ປະ­ມານຂອງລັດ 100%ໃນນັ້ນ ໂດຍແມ່ນລັດວິສາຫະກິດກໍ່­ສ້າງ ແລະ ຕິດຕັ້ງໄຟ­ຟ້າ ທີ່ຂຶ້ນກັບກະ­ຊວງພະ­ລັງ­ງານ ແລະ ບໍ່ແຮ່ ເປັນຜູ້ປະ­ຕິ­ບັດຮັບເໝົາກໍ່­ສ້າງໂຄງ­ການ ໄດ້ຈັດຕັ້ງເລີ່ມປະ­ຕິ­ບັດມາແຕ່ວັນທີ 10/6/2010ຫາວັນທີ 26/2/2012ຈຶ່ງສຳ­ເລັດເປັນທີ່ຮຽບຮ້ອຍ.

ໂຄງ­ການກໍ່­ສ້າງ ແລະ ຕິດຕັ້ງໄຟ­ຟ້າຢູ່ເຂດບ້ານໜອງສານນີ້ ໄດ້ໃຊ້ງົບ­ປະ­ມານຂອງລັດທັງໝົດ 4,59ຕື້ກີບ ໃນນັ້ນ ໄດ້ກໍ່­ສ້າງຕາຂ່າຍແຮງກາງ 22ກິໂລວັດ ໄລ­ຍະທາງ 14.560ແມັດ ໃຊ້ງົບ­ປະ­ມານ 1,92ຕື້ກີບ ກໍ່­ສ້າງຕາຂ່າຍແຮງຕ່ຳ 0,4ກິໂລວັດ ໄລ­ຍະທາງ 5,805ແມັດ ໃຊ້ງົບ­ປະ­ມານ 757ລ້ານກີບ ຕິດຕັ້ງໝໍ້ແບ່ງໄຟ­ຟ້າ 160 KVA ຈຳ­ນວນ 2ຊຸດ ໃຊ້ງົບ­ປະ­ມານ 286ລ້ານກີບ ຕິດຕັ້ງໄຟ­ຟ້າເຂົ້າໃນເຮືອນຂອງປະ­ຊາ­ຊົນ ຈຳ­ນວນ 299ຫຼັງ­ຄາເຮືອນ ມູນຄ່າ 623ລ້ານກີບ.

ໃນພິ­ທີດັ່ງ­ກ່າວ ທ່ານ ພົນຈັດ­ຕະ­ວາ ບົວສ້ຽງ ຈຳ­ປາພັນ ກໍໄດ້ໂອ້ລົມ ແລະ ແນະ­ນຳປະ­ຊາ­ຊົນ ໃນການນຳໃຊ້ໄຟ­ຟ້າເຂົ້າໃນຊີ­ວິດປະ­ຈຳວັນຂອງຕົນ ໃຫ້ຖືກ­ຕ້ອງ ມີປະສິດ­ທິຜົນ ແລະ ຍັງໄດ້ຊຸກ­ຍູ້ໃຫ້ປະ­ຊາ­ຊົນຈົ່ງພ້ອມກັນປົກປັກຮັກ­ສາ ພ້ອມດຽວກັນນັ້ນ ຕາງ­ໜ້າໃຫ້ປະ­ຊາ­ຊົນເຂດບ້ານດັ່ງ­ກ່າວ ກໍໄດ້ສະ­ແດງຄວາມຮູ້ບຸນ­ຄຸນຕໍ່ພັກŒລັດ ທີ່ໄດ້ເອົາ­ໃຈ­ໃສ່ເບິ່ງ­ແຍງດູແລ ແລະ ໃຫ້­ການຊ່ວຍ­ເຫຼືອປະ­ຊາ­ຊົນເປັນຢ່າງດີ ໂດຍໄດ້ສ້າງພື້ນ­ຖານໂຄງລ່າງ ເປັນ­ຕົ້ນແມ່ນ ສ້າງທີ່ພັກອາ­ໄສ ໂຮງ­ຮຽນ ສຸກ­ສາ­ລາ ຖະ­ໜົນຫົນ­ທາງ ຊົນ­ລະ­ປະ­ທານ ເນື້ອ­ທີ່ທຳການຜະ­ລິດ ແລະ ອື່ນໆ.

http://www.vientianemai.net/teen/khao/1/6419

ເຂື່ອນນ້ຳສະນາ ຈະຜະລິດກະແສໄຟຟ້າ ໃຫ້ໄດ້ 50 ລ້ານກິໂລວັດໂມງ

ບໍ­ລິ­ສັດ​ໄຟ­ຟ້າ​ລາວ ໄດ້​ມອບ​ໝາຍ​ໃຫ້​ບໍ­ລິ­ສັດ ນາ­ວາ​ລັດ​ພັດ­ທະ­ນາ​ການ ຈຳ­ກັດ ເພື່ອ​ຮັບ​ເໝົາ​ກໍ່­ສ້າງ​ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ສະ​ນາ ຊຶ່ງ​ເຂື່ອນ​ດັ່ງ­ກ່າວ​ຈະ​ສາ­ມາດ​ຜະ­ລິດ​ກະ­ແສ​ໄຟ­ຟ້າ​ໃຫ້​ໄດ້ 50 ລ້ານ​ກິ​ໂລ​ວັດ​ໂມງ​ຕໍ່​ປີ ແລະ ໃຊ້​ທຶນ​ເຂົ້າ​ໃນ​ການ​ກໍ່­ສ້າງ ປະ­ມານ 240 ຕື້​ກີບ.

ທ່ານ ຄຳ​ມະ­ນີ ອິນ​ທິ​ລາດ ຜູ້­ອຳ­ນວຍ­ການ​ໃຫຍ່​ລັດ​ວິ​ສາ​ຫະ​ກິດ​ໄຟ­ຟ້າ​ລາວ ກ່າວ​ໃນ​ພິ­ທີ​ເຊັນ​ສັນ­ຍາ​ມອບ​ເໝົາ​ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ສະ​ນາ ວ່າ: ໂຄງ­ການ​ເຂື່ອນ​ໄຟ­ຟ້າ​ນ້ຳ​ສະ​ນາ ແມ່ນ​ຕັ້ງ​ຢູ່​ເມືອງ​ກາ­ສີ ແຂວງ​ວຽງ​ຈັນ ນັບ​ແຕ່​ກາງ​ປີ 2009 ເປັນ­ຕົ້ນ​ມາ ບໍ­ລິ­ສັດ​ໄຟ­ຟ້າ​ລາວ (ຟຟລ) ໄດ້​ມອບ​ໃຫ້​ບໍ­ລິ­ສັດ ນາ­ວາ​ລັດ​ພັດ­ທະ­ນາ​ການ ຈຳ­ກັດ (ປະ­ເທດ​ໄທ) ໄດ້​ມີ​ການ​ສຶກ​ສາ​ຄວາມ​ເປັນ​ໄປ​ໄດ້​ກ່ຽວ​ກັບ​ການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ສະ​ນາ ໂດຍ​ໄດ້​ສຶກ​ສາ​ທາງ​ດ້ານ​ເຕັກ­ນິກ ການ​ເງິນ ສິ່ງ­ແວ­ດລ້ອມ ແລະ ສັງ­ຄົມ ຊຶ່ງ​ມາ​ຮອດ​ປັດ­ຈຸ­ບັນ​ການ​ສຶກ​ສາ​ດັ່ງ­ກ່າວ​ແມ່ນ​ໄດ້​ສຳ­ເລັດ​ເປັນ​ທີ່​ຮຽບ​ຮ້ອຍ​ແລ້ວ ຊຶ່ງ​ໂຄງ­ການ​ກໍ່­ສ້າງ​ເຂື່ອນ​ດັ່ງ­ກ່າວ​ແມ່ນ​ໄດ້​ຮັບ​ການ​ສະ­ໜັບ­ສະ­ໜູນ​ເງິນ​ກູ້​ດອກ​ເບ້ຍ​ຕ່ຳ​ຈາກ​ທະ­ນາ­ຄານ​ກຸງ​ໄທ ສາ­ຂາ​ນະ­ຄອນ­ຫຼວງ​ວຽງ​ຈັນ ຈຳ­ນວນ​ເງິນ 30 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 240 ຕື້​ກີບ ໂດຍ​ມີ​ໄລ­ຍະ​ການ​ຊຳ­ລະ 10 ປີ ເຂື່ອນ​ໄຟ­ຟ້າ​ແຫ່ງ​ນີ້​ແມ່ນ​ມີ​ກຳ­ລັງ​ຕິດ​ຕັ້ງ 14 ເມັກ​ກາ​ວັດ (MW) ຈະ​ສາ­ມາດ​ຜະ­ລິດ​ກະ­ແສ​ໄຟ­ຟ້າ​ໄດ້​ເກືອບ 50 ລ້ານ​ກິ​ໂລ​ວັດ​ໂມງ (KWh) ຕໍ່​ປີ ໂດຍ​ມີ​ໄລ­ຍະ​ການ​ກໍ່­ສ້າງ​ເປັນ​ເວ­ລາ 3 ປີ.

ເຂື່ອນ​ໄຟ­ຟ້າ​ນ້ຳ​ສະ​ນາ ແມ່ນ​ມີ​ຄວາມ​ສຳ­ຄັນ​ເນື່ອງ​ຈາ​ກວ່າ ນອນ​ຢູ່​ລະ­ຫວ່າງ​ກາງ­ຂອງ​ແຂວງ​ວຽງ​ຈັນ ແລະ ຫຼວງ​ພະ​ບາງ ຊຶ່ງ​ຈະ​ສ້າງ​ຄວາມ​ສະ­ດວກ​ໃນ​ການ​ສົ່ງ​ກະ­ແສ​ໄຟ­ຟ້າ ເພາະ​ພະ­ລັງ­ງານ​ທີ່​ຜະ­ລິດ​ຈາກ​ເຂື່ອນ ຈະ​ສາ­ມາດ​ເຊື່ອມ​ຕໍ່​ກັບ​ສາຍ​ສົ່ງ​ທີ່​ມີ​ຢູ່​ແລ້ວ ເພື່ອ​ຮັບ​ໃຊ້​ຊີ­ວິດ​ການ​ເປັນ​ຢູ່​ຂອງ​ພໍ່​ແມ່​ປະ­ຊາ­ຊົນ​ໃນ​ຂົງ­ເຂດ​ດັ່ງ­ກ່າວ.

ພິ­ທີ​ເຊັນ​ສັນ­ຍາ​ໂຄງ­ການ​ກໍ່­ສ້າງ​ຄັ້ງ​ນີ້ ໄດ້​ຈັດ​ຂື້ນ​ໃນ​ວັນ​ທີ 20 ມິ­ຖຸ­ນາ 2011 ທີ່​ໂຮງ­ແຮມ​ລາວ​ພລາ​ຊາ ລະ­ຫວ່າງ ທ່ານ ຄຳ​ມະ­ນີ ອິນ​ທິ​ລາດ ຝ່າຍ​ເຈົ້າ​ຂອງ​ໂຄງ­ການ ແລະ ທ່ານ ໂພນ​ພັດ ກາ​ນາ​ສຸ​ຕາ ປະ­ທານ​ບໍ­ລິ­ສັດ ນາ­ວາ​ລັດ​ພັດ­ທະ­ນາ​ການ ຈຳ­ກັດ ຊຶ່ງ​ມີ​ທ່ານ ຄຳ​ເມິງ ພົງ​ທະ​ດີ ເຈົ້າ­ແຂວງ​ວຽງ​ຈັນ ພ້ອມ​ບັນ­ດາ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

http://www.vientianemai.net/teen/khao/1/3444

ມີແຜນສ້າງເຂື່ອນ ໄຟຟ້າຂະຫນາດ 5 ເມກາວັດຢູ່ເມືອງກາສີ

ຂ່າວ: ພູຂອງ

ອຳນາດການປົກຄອງແຂວງວຽງຈັນ ໄດ້ອະນຸຍາດໃຫ້ ບໍລິສັດພັດທະນາລ້ອງງື່ມເຂົ້າ ສຶກສາສຳຫລວດເຖິງຄວາມເປັນໄປໄດ້ການສ້າງເຂື່ອນໄຟຟ້ານ້ຳ ຕົກຂະຫນາດ 5 ເມກາວັດ ຢູ່ນ້ຳຊາໃຫຍ່ເມືອງກາສີແຂວງວຽງຈັນ.

ພິທີເຊັນບົດບັນທຶກຄວາມເຂົ້າໃຈໄດ້ມີຂຶ້ນໃນວັນທີ 20 ມັງ ກອນ 2011 ທີ່ຣີສອດວັງຊ້າງລະຫວ່າງທ່ານ ອຸດົງ ພົງໄພປະດິດ ຮັກສາການຫົວຫນ້າພະແນກ ແຜນການŒການລົງທຶນ, ຕາງຫນ້າໃຫ້ອຳນາດການປົກຄອງແຂວງວຽງຈັນ ກັບທ່ານ ພອນໄຊ ໄວຍະພັດ ຫົວຫນ້າບໍລິສັດພັດທະນາລ້ອງງື່ມ ໂດຍມີທ່ານ ນາງ ສິງຄຳ ຄົງສະຫວັນ ຮອງເຈົ້າແຂວງໆວຽງຈັນ ເຂົ້າຮ່ວມເປັນສັກຂີພິຍານ.

ທ່ານ ຈະເລີນສຸກ ວິສິດພັກດີ ຫົວຫນ້າຂະແຫນງການພະລັງງານ, ພະແນກພະລັງງານŒບໍ່ແຮ່ໃຫ້ຮູ້ວ່າ: ຕາມການສຳຫລວດໃນເບື້ອງ ຕົ້ນເຂື່ອນດັ່ງກ່າວ ຈະມີທີ່ຕັ້ງຢູ່ບ້ານຫົວເມືອງເຂດຜາເຈົ້າ ເມືອງກາສີຫ່າງຈາກເທດສະບານ ເມືອງໄປທາງທິດເຫນືອປະມານ 20ກິໂລ ແມັດ, ຕົວເຮືອນຈັກຕັ້ງຢູ່ບ້ານຜາເຈົ້າ ໄປທາງທິດຕາເວັນຕົກ 4 ກິໂລແມັດ.

ເຂື່ອນດັ່ງກ່າວຈະມີລວງສູງຂອງນ້ຳຕົກ 60 ແມັດ, ລວງຍາວຂອງເຂື່ອນປະມານ 80 ແມັດ ດ້ວຍກຳລັງຕິດຕັ້ງ 5 ເມກາວັດ ສາມາດຜະລິດກະແສໄຟຟ້າໄດ້ 31 ລ້ານກິໂລວັດໂມງຕໍ່ປີ ມີເງື່ອນໄຂສະດວກໃນການເຊື່ອມຕໍ່ໄຟຟ້າ ເຂົ້າກັບລະບົບຕາຂ່າຍຂອງລັດວິສາຫະກິດໄຟຟ້າລາວ ຢູ່ເຂດດັ່ງກ່າວ ເຊິ່ງມີໄລຍະຫ່າງພຽງ 6 ກິໂລແມັດ, ຄາດຄະເນການກໍ່ສ້າງເບື້ອງຕົ້ນປະມານ 10,7 ລ້ານໂດລາສະຫະລັດ.

ທ່ານ ພອນໄຊ ໄວຍະພັດ ກ່າວວ່າ: ຫລັງຈາກການເຊັນບົດບັນທຶກຄວາມເຂົ້າໃຈ ບໍລິສັດຈະໄດ້ສົມທົບກັບພາກສ່ວນກ່ຽວຂ້ອງ ໂດຍໃຊ້ງົບປະມານ ຂອງບໍລິສັດເອງລົງສຳຫລວດຢ່າງລະອຽດເປັນເວລາ 18 ເດືອນ ຖ້າຫາກຜົນສະຫລຸບອອກມາມີຜົນດີກວ່າຜົນເສຍ, ການໄລ່ລຽງເສດຖະກິດເຫັນວ່າກຸ້ມຄ່າ ແລະ ບໍ່ມີຜົນກະທົບຫລາຍ, ບໍລິສັດກໍ່ຈະໄດ້ດຳເນີນການຕາມຂັ້ນຕອນລະບຽບຫລັກການເທື່ອລະກ້າວ ໄປເຖິງການລົງມືກໍ່ສ້າງ

http://www.ecom.org.la/teen/khao/1/275

ຣາຊບຸລີໂຮລດີ້ງ ເດີນໜ້າພັດທະນາໂຄງການເຂື່ອນໄຟຟ້າໃນລາວ

ບໍລິສັດຜະລິດ ໄຟຟ້າຣາຊບຸລີໂຮລດີ້ງ ຈຳກັດ (ມະຫາຊົນ) ປະເທດໄທ ສ້າງຕັ້ງຂຶ້ນໃນເດືອນມີນາ 2000 ເຊິ່ງເປັນບໍລິສັດທີ່ດຳເນີນທຸລະກິດ ທາງດ້ານການລົງທຶນໃນ ທຸລະກິດຜະລິດໄຟຟ້າ ທຸລະກິດພະລັງງານທົດແທນ ແລະ ທຸລະກິດທີ່ກ່ຽວຂ້ອງໃນປະເທດ ແລະ ຕ່າງປະເທດ.

ປັດຈຸບັນ ບໍລິສັດໄດ້ຮ່ວມມືກັບຂາຫຸ້ນລົງທຶນໃນການພັດທະນາໂຄງການເຂື່ອນໄຟຟ້າຂະໜາດໃຫຍ່ ໃນ ສປປ ລາວ ມີ 4 ໂຄງການ ເຊັ່ນ: ໂຄງການໂຮງໄຟຟ້າພະລັງ ນ້ຳ-ນ້ຳງື່ມ II ຕັ້ງຢູ່ແຂວງວຽງຈັນ ໂຮງໄຟຟ້າພະລັງຄວາມຮ້ອນຫົງສາ ໂຮງໄຟຟ້າພະລັງນ້ຳ ນ້ຳງື່ມ III ແຂວງວຽງຈັນ ແລະ ໂຄງການໂຮງໄຟຟ້າເຊປຽນ-ເຊນ້ຳນ້ອຍ ຕັ້ງຢູ່ແຂວງຈຳປາສັກ ແລະ ອັດຕະປື.

ທ່ານ ຈະຕຸພອນ ໂສພາລັກ ຜູ້ອຳນວຍການບໍລິສັດ ຣາຊ-ລາວ ຈຳກັດ ເຊິ່ງເປັນສາຂາຂອງບໍລິສັດ ຣາຊບຸລີ ໂຮລດີ້ງ ຈຳກັດ (ມະຫາຊົນ) ໄດ້ໃຫ້ສຳພາດກ່ຽວກັບ ຄວາມຄືບໜ້າຂອງ 4 ໂຄງການດັ່ງກ່າວ ໃນວັນທີ 15 ກັນຍາ 2010 ທີ່ຜ່ານມາວ່າ:

ສະເພາະເຂື່ອນໄຟຟ້ານ້ຳງື່ມ II ບໍລິສັດຖືຫຸ້ນ 25% ໄດ້ມີການທົດລອງເດີນເຄື່ອງຈັກຜະລິດໄຟຟ້າເຄື່ອງທຳອິດແລ້ວ ແລະ ກໍເຫັນວ່າ ດຳເນີນໄປດ້ວຍດີ ສາມາດຜະລິດ ໄຟສົ່ງອອກຂາຍໃຫ້ປະເທດໄທໄດ້ແລ້ວ ແລະ ລາຍຮັບກໍໄດ້ແບ່ງປັນໃຫ້ຂາຫຸ້ນ ກໍຄືຝ່າຍລັດຖະບານລາວ ສ່ວນເຄື່ອງທີສອງຈະທົດລອງເດີນເຄື່ອງໃນເດືອນກັນຍານີ້ ແລະ ເຄື່ອງທີສາມ ຄາດວ່າຈະເດີນໃນເດືອນພະຈິກ 2010 ເວົ້າລວມແລ້ວ ຖ້າສາມາດເດີນເຄື່ອງທັງສາມເຄື່ອງ ຈະມີກຳລັງການຜະລິດໄຟຟ້າໄດ້ 615 ເມກາວັດ ເຊິ່ງ ຈະໄດ້ຂາຍຢ່າງເປັນທາງການ ທ້າຍປີ 2011.

ສ່ວນໂຄງການເຂື່ອນໄຟຟ້ານ້ຳງື່ມ III ທີ່ຕັ້ງຢູ່ເໜືອເຂື່ອນນ້ຳງື່ມ II ບໍລິສັດຖືຫຸ້ນ 25% ມີກຳລັງການຜະລິດ 440 ເມກາວັດ ໃນເດືອນມີນາ 2010 ທີ່ຜ່ານມາ ໄດ້ມີການ ເຊັນສັນຍາຂາຍໄຟຟ້າໃຫ້ການໄຟຟ້າຝ່າຍຜະລິດແຫ່ງປະເທດໄທ ປັດຈຸບັນຢູ່ໃນໄລຍະການຊອກຜູ້ຮັບເໝົາເພື່ອດຳເນີນການກໍ່ສ້າງໃນປີ 2011 ແລະ ຕາມແຜນຄາດວ່າ ຈະໄດ້ຂາຍກະແສໄຟຟ້າໃນປີ 2017.

ໂຄງການໄຟຟ້າພະລັງຄວາມຮ້ອນຫົງສາ ຕັ້ງຢູ່ເມືອງຫົງສາ ແຂວງໄຊຍະບູລີ ບໍລິສັດຖືຫຸ້ນ 40% ມີກຳລັງການຜະລິດຕິດຕັ້ງ 1.878 ເມກາວັດ ຖືໄດ້ວ່າເປັນໂຄງການທີ່ ໃຫຍ່ທີ່ສຸດໃນ ສປປ ລາວ ເຊິ່ງໄດ້ມີການເຊັນສັນຍາຊື້-ຂາຍກັບການໄຟຟ້າຝ່າຍຜະລິດແຫ່ງປະເທດໄທ (ກຟຜ) ເປັນເວລາ 25 ປີ ຈຳນວນ 1.473 ເມກາວັດ ແລະ ເຫຼືອນັ້ນໃຊ້ພາຍໃນປະເທດ ບໍລິສັດໄດ້ປະສົບຜົນສຳເລັດໃນການກູ້ຢືມເງິນ ເພື່ອພັດທະນາໂຄງການຈາກ 9 ສະຖາບັນການເງິນໃຫຍ່ຂອງປະເທດໄທ ວົງເງິນກູ້ເຖິງ 2.783 ລ້ານໂດລາ ຄາດວ່າຈະເລີ່ມກໍ່ສ້າງຕົ້ນປີ 2011 ແລະ ຈະໃຫ້ສາມາດເດີນເຄື່ອງຜະລິດກະແສໄຟຟ້າຂາຍໃນປີ 2015 ເຊິ່ງປັດຈຸບັນກຳລັງຢູ່ໃນໄລຍະການກະກຽມ ຍົກຍ້າຍຈັດສັນທີ່ຢູ່ອາໄສ ໃຫ້ອຳນວຍຄວາມສະດວກ ໃຫ້ແກ່ຊຸມຊົນທີ່ຖືກກະທົບຕາມຄວາມຮຽກຮ້ອງຕ້ອງການທີ່ຈຳເປັນ.

ອີກໂຄງການໜຶ່ງ ຄືໂຄງການໂຮງໄຟຟ້າພະລັງນ້ຳເຊປຽນ-ເຊນ້ຳນ້ອຍ ມີຂະໜາດກຳລັງຜະລິດ 390 ເມກາວັດ ບໍລິສັດຖືຫຸ້ນ 25% ເດືອນສິງຫາ 2010 ຜ່ານມາ ໄດ້ມີ ການເຊັນສັນຍາຂາຍກະແສໄຟຟ້າ ໃຫ້ການໄຟຟ້າຝ່າຍຜະລິດ ແຫ່ງ ປະເທດໄທ ເກືອບທັງໝົດ ຕາມສັນຍາ 27 ປີ ຄາດວ່າຈະໄດ້ເດີນເຄື່ອງຜະລິດກະແສໄຟຟ້າຂາຍໃນ ປີ 2018.

http://www.vientianemai.net/news.php?col=1&id=248

ທ່ານນາຍົກລັດຖະມົນຕີ ຮ່ວມພິທີເປີດການນຳໃຊ້ເຂື່ອນໄຟຟ້ານ້ຳລີກ


ທ່ານ ບົວສອນ ບຸບຜາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດເຂົ້າຮ່ວມພິທີເປີດການນຳໃຊ້ເຂື່ອນໄຟຟ້ານ້ຳລີກ 1-2 ຢ່າງເປັນທາງການ ໃນວັນທີ 29 ສິງຫາ 2010 ທີ່ໂຮງຈັກເຂື່ອນໄຟຟ້ານ້ຳລີກ 1-2 ເມືອງເຟືອງ ແຂວງວຽງຈັນ ທ່ານນາງ ປູ້ຈຽນກົວ ເອກອັກຄະລັດຖະທູດ ສປ ຈີນ ປະຈຳ ລາວ ທ່ານ ສຸລິວົງ ດາລາວົງ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ທ່ານ ຊາວກວງຈິນ ປະທານກຸ່ມບໍລິສັດ ຊັ່ງຈຽງສານເຊັຍ ມີຜູ້ອຳນວຍ ການໃຫຍ່ບໍລິສັດຊົນລະປະທານພະລັງງານໄຟຟ້າສາກົນ ສປ ຈີນ ປະທານບໍລິສັດໄຟຟ້ານ້ຳລີກ 1-2 ຈຳກັດ ພ້ອມດ້ວຍບັນດາພະນັກງານຂັ້ນສູງຈາກ ກະຊວງ ອຳນາດການປົກຄອງທ້ອງຖິ່ນ ພະນັກງານວິຊາການ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ຄຳມະນີ ອິນທິລາດ ຜູ້ອຳນວຍການໃຫຍ່ບໍລິສັດລັດວິສາຫະກິດໄຟຟ້າລາວ ໄດ້ກ່າວວ່າ: ໂຄງການເຂື່ອນໄຟຟ້ານ້ຳລີກ 1-2 ເປັນໂຄງການຮ່ວມລົງ ທຶນລະຫວ່າງ ສປປ ລາວ ກັບ ສປ ຈີນ ໂດຍແມ່ນລັດວິສາຫະກິດໄຟຟ້າລາວ ແລະ ບໍລິສັດຊົນລະປະທານພະລັງງານໄຟຟ້າສາກົນ ສປ ຈີນ (CWE) ຮ່ວມຫຸ້ນ ຄື: ສປປ ລາວ ຖືຫຸ້ນ 10% ແລະ ສປ ຈີນ ກໍຄື CWE ຖືຫຸ້ນ 90%.

ການກໍ່ສ້າງເຂື່ອນດັ່ງກ່າວ ໄດ້ເລີ່ມແຕ່ວັນທີ 15 ທັນວາ 2007 ສຳເລັດກ່ອນແຜນການ 1 ປີ ຄື (ຕາມແຜນການໃຫ້ສຳເລັດເດືອນກໍລະກົດ 2011).

ມູນຄ່າການກໍ່ສ້າງທັງໝົດ 150 ລ້ານໂດລາ ຄວາມອາດສາມາດຜະລິດພະລັງງານໄຟຟ້າໄດ້ 100 ເມກາວັດ (MW) ເຊິ່ງໄຟຟ້າທີ່ຜະລິດທັງໝົດຈາກ ໂຄງການເຂື່ອນໄຟຟ້ານ້ຳລີກ 1-2 ແມ່ນຈະຂາຍໃຫ້ລັດວິສາຫະກິດໄຟຟ້າລາວ.

ທ່ານກ່າວຕື່ມວ່າ: ຄວາມສຳເລັດໃນການສ້າງເຂື່ອນດັ່ງກ່າວ ສະແດງໃຫ້ເຫັນເຖິງການຮ່ວມມືທີ່ມີຄວາມໝາຍສຳຄັນລະຫວ່າງສອງຊາດ ລາວ-ຈີນ ກໍຄື ບໍລິສັດໄຟຟ້າລາວ ແລະ CWE ສະແດງເຖິງການມີສ່ວນຮ່ວມຂອງພາກລັດ ແລະ ເອກະຊົນ ຕະຫຼອດເຖິງອົງການປົກຄອງທ້ອງຖິ່ນ ແລະ ພໍ່ແມ່ປະຊາ ຊົນ ເພື່ອເຮັດໃຫ້ການຜະລິດໄຟຟ້າຕອບສະໜອງກັບການພັດທະນາປະເທດຊາດ ກໍຄືຊີວິດການເປັນຢູ່ຂອງປະຊາຊົນໃຫ້ດີຂຶ້ນກ່ວາເກົ່າ.

http://www.vientianemai.net/news.php?col=1&id=72

ສຶກສາຄວາມເປັນໄປໄດ້ ໂຄງການໄຟຟ້າສາຍນ້ຳຜາໃຫຍ່

ຊັນສັນຍາວ່າຈ້າງວິສະວະກອນທີ່ປຶກສາ ເພື່ອດຳເນີນການສຶກສາສຳຫຼວດແຜນແມ່ບົດ ໂຄງການເຂື່ອນໄຟຟ້າຂະໜາດນ້ອຍ ນ້ຳຜາໃຫຍ່ ຢູ່ເຂດລ້ອງແຈ້ງ ເມືອງໄຊສົມບູນ ແຂວງວຽງຈັນ ລະຫວ່າງບໍລິສັດ DSK ແລະ ບໍລິສັດ PECC1/LEEC ຈັດຂຶ້ນຕອນຄ່ຳວັນທີ 5 ຕຸລາ 2010 ທີ່ໂຮງແຮມລາວພລາຊາ ນະຄອນຫຼວງວຽງຈັນ ໂດຍການ ເຂົ້າຮ່ວມເປັນສັກຂີພິຍານຂອງທ່ານ ສົມບູນ ລາຊະສົມບັດ ລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ ທ່ານ ດຣ.ບຸນທະວີ ສີສຸພັນທອງ ລັດຖະມົນຕີຊ່ວຍ ວ່າການກະຊວງແຜນການ ແລະ ການລົງທຶນ ທ່ານຮອງເຈົ້າແຂວງຫຼວງພະບາງ ທ່ານຫົວໜ້າຫ້ອງວ່າການປົກຄອງແຂວງວຽງຈັນ ພ້ອມດ້ວຍພາກສ່ວນກ່ຽວຂ້ອງ.

ການຮ່ວມລົງນາມສັນຍາລະຫວ່າງ ທ່ານ ໄຊຍະສິງ ຊະນະແກ້ວ ຜູ້ອຳນວຍການບໍລິສັດ DSK ແລະ ທ່ານ LEVANLUC ຜູ້ອຳນວຍການບໍລິສັດ PECC1 ແລະ ທ່ານ ພຸດທະວຽງ ສີສຸລາດ ຫົວໜ້າ LEEC ​ໂດຍໂຄງການດັ່ງກ່າວຜ່ານມາທາງບໍລິສັດ DSK ໄດ້ຮັບການອະນຸຍາດລົງທຶນຈາກພາກສ່ວນກ່ຽວຂ້ອງຂອງແຂວງວຽງຈັນ ແລະ ອຳນາດການປົກຄອງເມືອງໄຊສົມບູນ ເບື້ອງຕົ້ນກໍໄດ້ລົງສຳຫຼວດສຶກສາຂໍ້ມູນ ຜ່ານການສຶກສາເຫັນວ່າ ໂຄງການສາມາດມີຄວາມເປັນໄປໄດ້ ດັ່ງນັ້ນ ຈຶ່ງໄດ້ວ່າຈ້າງໃຫ້ບໍລິ ສັດ PECC1 ບໍລິສັດຫວຽດນາມ ຮ່ວມກັບບໍລິສັດ LEEC ຂອງລາວ ສືບຕໍ່ລົງສຳຫຼວດເພື່ອສຶກສາຂໍ້ມູນທາງດ້ານອຸທົກກະສາດ ທໍລະນີສາດ ດ້ານຜົນກະທົບຕໍ່ສິ່ງແວດ ລ້ອມ ແລະ ອື່ນໆຂອງຈຸດທີ່ຕັ້ງໂຄງການເພື່ອຈະໄດ້ຂໍ້ມູນອັນທີ່ລະອຽດ ຊຶ່ງສອງບໍລິສັດດັ່ງກ່າວມີຊຳນິຊຳນານໃນການສຶກສາດ້ານນີ້ມາຫຼາຍໂຄງການຢູ່ລາວ-ຫວຽດນາມ ການລົງສຳຫຼວດແມ່ນຈະໃຊ້ເວລາປະມານ 15 ເດືອນ ແລະ ຜ່ານການສຶກສາ ຖ້າເປັນໄປໄດ້ຈະໃຊ້ເວລາການກໍ່ສ້າງ 3 ປີ.

ໂຄງການດັ່ງກ່າວເປັນໂຄງການຜະລິດພະລັງງານໄຟຟ້າຂະໜາດນ້ອຍ ມີກຳລັງການຕິດຕັ້ງປະມານ 5 ເມກາວັດ ຖ້າໂຄງການຫາກກໍ່ສ້າງສຳເລັດຈະເປັນໂຄງການໜຶ່ງທີ່ ຈະສະໜອງພະລັງງານໄຟຟ້າໃຫ້ລະບົບໄຟຟ້າລາວທີ່ຕັ້ງຢູ່ໃກ້ກັບເຂດດັ່ງກ່າວ ແລະ ທັງຈະເປັນການພັດທະນາເສດຖະກິດ-ສັງຄົມຂອງແຂວງວຽງຈັນ ເຮັດໃຫ້ປະຊາຊົນ ເຂດດັ່ງກ່າວມີໄຟຟ້າຊົມໃຊ້ຢ່າງທົ່ວເຖິງ.

http://www.vientianemai.net/news.php?col=1&id=400

Follow

Get every new post delivered to your Inbox.