Archive

Archive for the ‘ສາຍສົ່ງ+ສະຖານີ’ Category

ໄຟຟ້າ ​ນ້ຳ​ເທີນ 2 ມອບ​ ລະບົບ​ສາຍ​ສົ່ງ​ໄຟຟ້າ​ ໃຫ້​ລັດຖະບານ​ລາວ

ບໍລິສັດ ໄຟຟ້ານ້ຳ ເທີນ 2 ໄດ້ມອບລະບົບສາຍ ສົ່ງໄຟຟ້າ, ຫົນທາງ ແລະ ສິ່ງປຸກສ້າງສາທາລະນະ ໃຫ້ແກ່ ລັດຖະບານລາວ ມູນຄ່າ 100 ລ້ານກວ່າໂດລາສະຫະລັດ ເຊິ່ງພິທີມອບ – ຮັບດັ່ງກ່າວໄດ້ ຈັດຂຶ້ນ ໃນຕອນແລງວັນທີ 29 ມິຖຸນາ 2010 ນີ້ ທີ່ສະຖານີໄຟ ຟ້ານ້ຳເທີນ 2 ແຂວງຄຳມ່ວນ ລະຫວ່າງ ທ່ານ ຊັງຄຣິດຕ໋ອບ ຟິນເນ ປະທານສະພາບໍລິຫານຂອງ ບໍລິສັດ ໄຟຟ້ານ້ຳເທີນ 2 ເປັນ ຜູ້ກ່າວມອບ ແລະ ກ່າວຮັບ ແມ່ນ ທ່ານ ສຸລິວົງ ດາລາວົງ ລັດຖະມົນຕີວ່າການກະຊວງ ພະລັງງານ ແລະ ບໍ່ແຮ່ ຕາງຫນ້າລັດຖະບານລາວ ແລະ ກ່າວມອບຕໍ່ໃຫ້ແກ່ແຂວງ ເປັນຜູ້ຄຸ້ມຄອງນຳໃຊ້. ເຊິ່ງມີບັນດາ ການນຳແຂວງ, ເມືອງຕະຫຼອດ ຮອດແຂກຖືກເຊີນເຂົ້າຮ່ວມ.

ໂຄງການໄຟຟ້ານ້ຳເທີນ 2 ໄດ້ເລີ່ມລົງມືກໍ່ສ້າງມາແຕ່ປີ 2005 ແລະ ສຳເລັດການກໍ່ສ້າງ ພ້ອມເລີ່ມຂາຍໄຟຟ້າສູ່ພາຍ ໃນ ແລະ ຂາຍໃຫ້ປະເທດໄທ ໃນເດືອນມີນາປີນີ້ ຕະຫລອດ ໄລຍະ 3 ເດືອນ ທີ່ບໍລິສັດໄດ້ ຂາຍໄຟຟ້າໃຫ້ປະເທດໄທໄດ້ ສ້າງລາຍຮັບໃຫ້ກັບປະເທດລາວ ເພື່ອນຳໃຊ້ ເຂົ້າໃນວຽກງານຫລຸດຜ່ອນຄວາມທຸກຍາກ ໃນປີ 2010 ນີ້ ໄຟຟ້ານ້ຳເທີນ 2 ຈະມອບພັນທະໃຫ້ແກ່ລັດຖະບານລາວ ປະມານ 8-9 ລ້ານ ໂດລາສະຫະລັດ ແລະ ໃນປີຕໍ່ໄປ ເງິນປັນຜົນງວດທຳອິດ ແລະ ຄ່າສຳປະທານລວມແລ້ວ 20 ລ້ານໂດລາສະຫະລັດ ຈະມອບໃຫ້ລັດຖະບານລາວ ແລະ ຂາຮຸ້ນ ເຊິ່ງມີໄລຍະສຳ ປະທານ 25 ປີ.

http://www.pasaxon.org.la/conten/1-7-10/news11.htm

ກອງ​ທຶນ​ຮ່ວມ​ມື​ເພື່ອ​ການ​ພັດທະນາ​ເສດຖະກິດ ສ.​ເກົາຫລີ ​ໃຫ້​ທຶນ​ກູ້​ຢືມ​ແກ່ ສປປ ລາວ

ລັດຖະບານ ສປປ ລາວ ໄດ້ຮັບທຶນກູ້ຢືມຈາກກອງທຶນຮ່ວມມື ເພື່ອການພັດທະນາເສດຖະກິດ ສ.ເກົາຫລີ ໃນມູນຄ່າ 46,85 ລ້ານໂດລາສະຫະລັດເພື່ອນຳໃຊ້ເຂົ້າໃນ 4 ໂຄງການຄື: ໂຄງການກໍ່ສ້າງສາຍສົ່ງໄຟຟ້າພາກເຫນືອ ອະນຸພາກພື້ນແມ່ນ້ຳຂອງ ມູນຄ່າ 37,88 ລ້ານໂດລາສະຫະລັດ, ໂຄງການຈັດຊື້ອຸປະກອນການແພດໃຫ້ແກ່ໂຮງຫມໍ 109 ມູນຄ່າ 2,99 ລ້ານໂດລາສະຫະລັດ ໂຄງການຈັດຊື້ພາຫະນະມອດໄຟ ແລະ ກູ້ໄຟໃຫ້ແກ່ນະຄອນຫລວງວຽງຈັນມູນຄ່າ 2,99 ລ້ານໂດລາສະຫະລັດ ແລະ ໂຄງການຈັດຊື້ພາຫະນະມອດໄຟ ແລະ ກູ້ໄພໃຫ້ແກ່ສະຫນາມບິນຢູ່ 5 ແຂວງມູນຄ່າ 2,99 ລ້ານໂດລາສະຫະລັດ.

ພິທີເຊັນສັນຍາກູ້ຢືມໄດ້ມີຂຶ້ນໃນວັນທີ 31 ພຶດສະພາ 2010 ນີ້ທີ່ໂຮງແຮມລາວພລາ ຊາ ນະຄອນຫລວງວຽງຈັນໂດຍການຮ່ວມລົງນາມໃນສັນຍາລະຫວ່າງທ່ານ ສົມດີ ດວງດີ ລັດຖະມົນຕີວ່າການກະຊວງການເງິນເປັນຜູ້ຕາງຫນ້າໃຫ້ລັດຖະບານລາວ ແລະ ທ່ານ ຄິມດອງຊູ ປະທານທະນາຄານສົ່ງອອກ – ນຳເຂົ້າຂອງ ສ. ເກົາຫລີ ຕາງຫນ້າໃຫ້ກອງທຶນດັ່ງກ່າວ ເຊິ່ງໄດ້ມີບັນດາແຂກຖືກເຊີນ ທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນພະຍານ.

ກູເວດ ໃຫ້ເງິນກູ້ຢືມແກ່ລາວ ກໍ່ສ້າງສາຍສົ່ງໄຟຟ້າ 115 ກິໂລໂວນ

ກອງທຶນ ກູເວດ ໄດ້ໃຫ້ການສະໜັບສະໜູນດ້ານທຶນຮອນ ໃນຮູບການເງິນກູ້ດອກເບ້ຍຜ່ອນຜັນ ໃຫ້ແກ່ລັດຖະບານ ສປປ ລາວ ມູນຄ່າ 7.350.000 ດີນາ (ສະກຸນເງິນກູເວດ) ຫຼື ປະມານ 223,213 ຕື້ກີບ ເພື່ອນຳໃຊ້ເຂົ້າໃນວຽກງານ ຂະແໜງພະລັງງານ ສຳລັບໂຄງການກໍ່ສ້າງສາຍສົ່ງໄຟຟ້າ 115 ກິໂລໂວນ (ນ້ຳທຸງ-ນ້ຳທາ-ນ້ຳໝໍ້).
ພິທີເຊັນສັນຍາເງິນກູ້ ສຳລັບໂຄງການກໍ່ສ້າງສາຍສົ່ງໄຟຟ້າ 115 ກິໂລໂວນ (ນ້ຳທຸງ-ນ້ຳທາ-ນ້ຳໝໍ້) ລະຫວ່າງລັດຖະບານລາວ-ກອງທືນກູເວດ ໄດ້ຈັດຂື້ນໃນວັນທີ 7 ມັງກອນ 2010 ທີ່ກະຊວງການເງິນ ຕາງໜ້າໃຫ້ລັດຖະບານລາວ ແມ່ນທ່ານ ສົມດີ ດວງດີ ລັດຖະມົນຕີວ່າການ ກະຊວງການເງິນ ເຊັນສັນຍາເງິນກູ້ຢືມ ສ່ວນສັນຍາກໍ່ສ້າງໂຄງການ ແມ່ນທ່ານ ສະຫວາດ ພູມລາວັນ ຮອງຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ແລະ ຕາງໜ້າໃຫ້ກອງທືນກູເວດ ຂື້ນເຊັນທັງສອງສັນຍາແມ່ນ ທ່ານ ເຮຊາມ ອານ-ວາກາຢານ (Hesham Al-Waqayan) ຮອງຜູ້ອຳນວຍການໃຫຍ່ ກອງທຶນກູເວດ ເຊິ່ງເຂົ້າຮ່ວມເປັນສັກຂີພິຍານ ມີທ່ານ ສຸລິວົງ ດາລາວົງ ລັດຖະມົນຕີວ່າການ ກະຊວງພະລັງງານ-ບໍ່ແຮ່ ທ່ານ ຮາຟີດສ ໂມຮາເມັດ ຊາເລັມ ອານອາຈມີ ເອກອັກຄະລັດຖະທູດກູເວດ ປະຈຳ ສປປ ລາວ ພ້ອມດ້ວຍບັນດາ ພາກສ່ວນກ່ຽວຂ້ອງ.
ໃນພິທີ ທ່ານ ສົມດີ ດວງດີ ໄດ້ກ່າວວ່າ: ສຳລັບໂຄງການກໍ່ສ້າງສາຍສົ່ງໄຟຟ້າ 115 ກິໂລໂວນ (ນ້ຳທຸງ-ນ້ຳທາ-ນ້ຳໝໍ້) ເຊິ່ງແມ່ນລັດວິສາຫະກິດ ເປັນຜູ້ຄຸ້ມຄອງ ແລະ ຈັດຕັ້ງປະຕິບັດໂຄງການ ການເຊັນສັນຍາໃນມື້ນີ້ ຍິ່ງມີຄວາມສຳຄັນ ເນື່ອງຈາກເປັນສັນຍາເງິນກູ້ສະບັບທຳອິດ ທີ່ທັງສອງປະເທດ ຮ່ວມມືລົງນາມ ເຊິ່ງໂຄງການກໍ່ສ້າງດັ່ງກ່າວ ເປັນບູລິມະສິດ ທີ່ລະບຸໄວ້ໃນແຜນພັດທະນາ ເສດຖະກິດ-ສັງຄົມ ເປັນໂຄງການອັນຮີບດ່ວນ ຂອງວຽກງານໃນຂະແໜງພະລັງງານ ທີ່ຈະຕ້ອງໄດ້ປະຕິບັດ ເພື່ອໃຫ້ປະຊາຊົນໄດ້ຊົມໃຊ້ໄຟຟ້າ ທົ່ວເຖິງ ແລະ ກ້າວໄປເຖິງ ການນຳໃຊ້ໄຟຟ້າ ເຂົ້າໃນໂຮງຈັກໂຮງງານ ເພື່ອທຳການຜະລິດໃຫ້ເປັນສິນຄ້າ ແນໃສ່ເພື່ອເຮັດໃຫ້ປະຊາຊົນ ຫຼຸດພົ້ນອອກຈາກຄວາມທຸກຍາກ ແຕ່ນີ້ເຖິງປີ 2020.
vientianemai.net

ບັນດາແຂວງພາກເໜືອ ຈະໄດ້ຊົມໃຊ້ໄຟຟ້າ ຈາກສະຖານີ ເມືອງນາໝໍ້ ໃນທ້າຍປີນີ້

*(ຂປລ): ໂຄງການກໍ່ສ້າງຕາຂ່າຍໄຟຟ້າແຮງສູງ 115 ກິໂລໂວນ ຢູ່ເຂດເມືອງນາໝໍ້ ແຂວງອຸ ດົມໄຊ ຄາດໝາຍຈະໃຫ້ສຳເລັດກ່ອນການເປີດ ການແຂ່ງຂັນ ກິລາບັນດາປະຊາຊາດ ພາກພື້ນຕາເວັນອອກ ສ່ຽງ ໃຕ້ ຫລື ຊີເກມ ຄັ້ງທີ 25 ຊຶ່ງ ສປປ ລາວ ຈະເປັນເຈົ້າພາບ ໃນລະຫວ່າງ ເດືອນ ທັນວາ ປີ 2009, ມາເຖິງປະຈຸບັນ ບໍລິສັດຮັບເໝົາກໍ່ສ້າງ ພວມຂຸ້ນຂ້ຽວຈັດຕັ້ງປະຕິບັດ ທັງກາງເວັນ ແລະ ກາງຄືນ ເພື່ອໃຫ້ສຳ ເລັດຕາມຄາດໝາຍ ຖ້າໂຄງການດັ່ງກ່າວສຳເລັດ; ບັນດາ ແຂວງ ພາກເໜືອ ທີ່ໃຊ້ກະແສໄຟຟ້າ ຈາກເຂື່ອນ ໄຟຟ້າພາຍໃນ ໂດຍສະເພາະ ເຂື່ອນ ໄຟຟ້ານ້ຳງື່ມ ກໍ່ຈະໄດ້ຊົມໃຊ້ ກະແສໄຟຟ້າທີ່ຊື້ຈາກ ສປ. ຈີນ ເລີ່ມແຕ່ ເດືອນ ທັນວາ 2009 ເປັນຕົ້ນໄປ.
ທ່ານ ຄຳເຫລັກ ອິນທິລາດ, ຫົວໜ້າໄຟຟ້າສາຂາແຂວງ ອຸດົມໄຊ ໃຫ້ຮູ້ເມື່ອວັນທີ 13 ຕຸລາ 2009 ນີ້ວ່າ ມາຮອດປະຈຸບັນ ວຽກສາຍສົ່ງ (ຕັ້ງເສົາ ແລະ ດຶງສາຍ) ໃນໂຄງ ການ ກໍ່ສ້າງ ຕາຂ່າຍໄຟຟ້າ ແຮງສູງ 115 ກິໂລໂວນ ຈາກບໍ່ເຕັນ ແຂວງນ້ຳທາ ຫາ ສະຖານີ ຢູ່ເມືອງນາໝໍ້ ແຂວງອຸດົມໄຊ ປະຕິບັດໄດ້ແລ້ວ ປະມານ 82%; ສ່ວນວຽກກໍ່ສ້າງ ສະຖາ ນີ ກໍປະຕິບັດໄດ້ແລ້ວ ປະມານ 27% ຄາດວ່າຈະໃຫ້ສຳເລັດ ແລະ ເປີດການ ນຳໃຊ້ ໄດ້ກ່ອນເປີດການແຂ່ງຂັນຊີເກມຄັ້ງທີ 25 ໜຶ່ງ ວັນ. ໂຄງການດັ່ງກ່າວ ມີມູນຄ່າ 6 ລ້ານ ໂດ ລາ ມີຈຸດມຸ່ງ ໝາຍ ກະຈາຍ ກະແສ ໄຟຟ້າໃຫ້ບັນດາແຂວງພາກເໜືອ ເຊັ່ນ: ຫລວງ ພະບາງ, ອຸດົມໄຊ, ຫລວງນ້ຳທາ, ບໍ່ແກ້ວ ແລະ ຜົ້ງສາລີ ໂດຍປະຕິບັດຕາມນະໂຍບາຍຂອງລັດຖະບານ ສປປ ລາວ ໃນການສັນ ຍາຊື້ກະແສໄຟ ຟ້າ 30 ເມກາວັດຈາກ ສປ. ຈີນ ເພື່ອຊົມ ໃຊ້ຢູ່ ບັນ ດາແຂວງພາກເໜືອ.
ໂຄງການກໍ່ສ້າງຕາຂ່າຍໄຟຟ້າ 115 ກິໂລໂວນ ແຕ່ເຂດບໍ່ເຕັນ ແຂວງຫລວງນ້ຳທາ ຫາ ສະຖານີ ໃຫຍ່ ທີ່ບ້ານນາແລ ເມືອງນາໝໍ້ ແຂວງອຸດົມໄຊ ໄລຍະຍາວ ປະມານ 35 ກິໂລແມັດ ໂດຍນຳໃຊ້ເງິນກູ້ຢືມ ຈາກລັດ ຖະບານ ສປ. ຈີນ ຈຳນວນ 6 ລ້ານ ໂດລາອາເມລິກາ ຫລື ກວ່າ 500 ຕື້ກີບ ໄດ້ເລີ່ມມາຕັ້ງ ແຕ່ ເດືອນ ເມສາ ປີ 2009 ໂດຍບໍລິສັດໄຟຟ້າຢຸນນານ ຂອງ ສປ. ຈີນ ຮັບເໝົາກໍ່ສ້າງ ໂດຍການນຳໃຊ້ ວິທີ ການ ທັນສະໄໝປະຕິບັດ ໂດຍສະເພາະ ວຽກດຶງສາຍ ມີ ຫລາຍບ່ອນໄດ້ມີການນຳໃຊ້ໝາກບອນລູນຊ່ວຍແຮງ ເພາະເປັນເຂດພູສູງຊັນ ອັນໄດ້ເຮັດໃຫ້ວຽກລຸລ່ວງຕາມແຜນການທີ່ວາງເອົາໄວ້./.

Follow

Get every new post delivered to your Inbox.